Pêşangeha pirtûkan ya bi navê Serok Mam Celal tê vekirin

Saziya Serok Mam Celal

Birêzan, Hemey Heme Seîd û Dr. Mihemed Sabir

Îro Wezîrê Rewşenbîrî û Ciwanan ê Hikûmeta Herêma Kurdistanê Hemey Heme Seîd,li Silêmaniyê, serdana Saziya serok Celal Talebanî kir û ji aliyê Balyoz Dr. Mihemed Sabir, serokê saziyê ve hate pêşwazîkirin.

Armanca serdanê nîqaşkirina prosedûr û amadekariyên vekirina gera heftemîn a Pêşangeha pirtûkan a navneteweyî li Silêmaniyê bû, ku îsal bi navê "Serok Mam Celal" tê vekirin.

Di dema serdanê de, Wezîrê Rewşenbîrî û Ciwanan ê Hikûmeta Herêma Kurdistanê Hemey Heme Seîd bi Dr. Mihemed Sabir serokê saziya Serok Celal Talebanî re civiya.Di civînê de cîgirê parêzgarê Silêmaniyê Şaho Osman, nûnerên nivîsgeha cîgirê serokwezîrê hikûmeta herêma Kurdistanê, karmendên weşanxaneya Atlas û komîteya têkildar a Wezareta  Rewşenbîrî û Ciwanan amade bûn.

Di civînê de amadekariyên vekirina pêşangehê û hevrêzkirina bêtir a komîteyên têkildar ji bo serkeftina xebatê hatin nîqaşkirin û piştgiriya Wezîrê Rewşenbîrî û Ciwanan ji bo serkeftina pêşangehê hate tekez kirin.

Heta niha şeş Pêşangehên Navneteweyî yên pirtûkan ên Silêmaniyê hatine lidarxistin, ya herî dawî jî şeşemîn Pêşangeha Navneteweyî ya pirtûkan a Silêmaniyê bû, ku 40,000 sernav û 9 mîlyon pirtûk ji hêla 200 navendên herêmî û navneteweyî ve hatin pêşandan.

PUKMEDIA