Talebanî li gel şandeke pilebilind a leşkerî ya Brîtanî civiya

Nivîsgeha Ragihandinê ya Qubad Talebanî

Talebanî û şandekî leşkerî Brîtanyayê

Cîgirê Serokwezîr Qubad Talabanî pêşwaziya  şandeke leşkerî ya Brîtanî bi serokatiya, Şêwirmendê Payebilind ê Bergiriyê yê Brîtanî ji bo Karûbarên Rojhilata Navîn û Bakurê Afrîkayê Edward Ahlgren kir. Wan li ser têkiliyên dualî û pêşketinên dawî yên siyasî û ewlehiyê li Îraq û herêmê nîqaş kirin.

Civîn roja Çarşemê (30/7/2025) li Hewlêrê bi amadebûna Wezîrê Pêşmerge Şoreş Îsmaîl pêk hat, di civînê de li ser rewşa ewlehiyê ya Îraq û herêma Kurdistanê nêrîn hatin parvekirin, her du alî hemfikir bûn ku siyaset û helwesta hikûmeta federal a Îraqê di şer û aloziyên berê yên li herêmê de erênî bûye û tekez kirin ku divê hikûmeta federal li ser vê siyasetê berdewam bike û divê hemû alî bi baldarî tevbigerin da ku ewlehî û aramiya Îraqê biparêzin.

Derbarê êrîşên bi droneyan û armancgirtina binesaziya aborî ya Herêma Kurdistanê de, Cîgirê Serokwezîr got ku her çend di demên berê de gavên baş ji bo aramiya Îraqê hatine avêtin jî, lê dubarekirina êrîşên bi vî rengî gefê li ser ewlehî û aramiyêa Îraqê û Herema Kurdistanê dixwe, lê wî hêvî kir ku sûcdarên êrîşan ji raya giştî re werin eşkerekirin û bi cezayên yasayî re rû bi rû bimînin.

Di beşek din a civînê de, wan li ser çawaniya xurtkirina hevkarî û hevrêziya di navbera hêzên ewlehiyê yên Kurdistan û Îraqê de bi Brîtanyayê re nîqaş kirin.
Şandeya leşkerî ya Brîtanî tekez kir ku Brîtanya, Herêma Kurdistanê wekî hevkar û hevalbendek dibîne û dê ji bo xurtkirina têkiliyan, bi taybetî di warê şêwermendiya  leşkerî û perwerdehiya zêdetir a Hêzên Pêşmerge û ewlehiyê yên Kurdistanê de, bixebite.

PUKMEDIA