Tawanbar Hecac yê Nuqret El Selman hat desteserkirin

Ragihandina Dezgeha Ewlekariya Neteweyî

Tawanbar Hecac yê Zîndana Nuqret El Selman

Dezgeha Ewlekariya Neteweyî ya Îraqê roja Înê girtina yek ji daxwazkirî yên rejîma berê yê reviyayî Ecac Ehmed Herdan, bi nasnavê "Hacac yê Nuqret El-Selman", li parêzgeha Musene ragihand.

Dezgeha Ewlekariya Neteweyî di daxuyaniyekê de got: Di berdewamiya operasyonên bi armanca şopandina tawanbarên rejîma berê de, û piştî lêpirsînek e hewalgirî ya hûrgulî ku ji şeş mehan zêdetir dom kir, yekîneyên Dezgeha Ewlekariya Neteweyî li Parêzgeha Musene, bi hemahengiya ewlekariya Selahedîn ya Başûr, karîn yek ji tawanbarên bi navê Ecac Ehmed Herdan, bi nasnavê "Hecac yê Zîndana Nuqret El-Selman", ku ji dadweriyî reviyayî bigirin ku wekî efserê ewlehiyê li girtîgeha navdar Nuqret El-Selman kar dikir, tawanbar berê di gelek postên ewlehiyê de bû, ku di van postan de bû: (Efserê Sektora Rumeyse, Efserê Sektora Necmî, Efserê Sektora Hilal, Efserê Sektora Parêzgeha Musene, Efserê Sektora Buseye, û di dawiyê de jî Efserê Sektora Nuqret El-Selman) bû ku beşdarî bi darvekirin û veşartina qurbaniyan di gorên komî de bibû.

Li gorî daxuyaniyê di serdema dîktatoriyê de, tawanbaran rêze tawanên li dijî mirovahiyê û bi sedan Îraqiyan encam dabûn bi taybetî endamên koma etnîkî yên wekî Kurd ku bi zorê sirgûnî Parêzgeha Musene kiribûn ku li di girtîgehê de tawanên îşkence, kuştin û destdirêjî hebûn.

Malbata wî ji bo ku dezgehên ewlehiyê bixapînin, mirina wî ragihandibû,lê bi hewldanên hewalgiriyê û komkirina zanyariyên cûr bi cûr ew hate desteserkirin.

Di daxuyaniyê de hatiye ku piştî pesendkirina dadweriyê û tomarkirina daxuyaniyên qurbanî û dozgeran, tawanbar hate girtin û ji bo temamkirina rêkarên yasayî yên li dijî wî  ew ji rayedarên lêpirsînê yên şareza re hatiye şandin.

Dezgeha Ewlekariya Neteweyî ya Îraqê piştrast kir ku destê dadweriyê dê herdemê li pey wan kesan be ku destên wan di rijandina xwîna bê gunehan de hene,û dem jî dê nebe penagehek ji bo ew kesên ji dadweriyê direvin.

PUKMEDIA