Pêşmerge û Artêşa Îraqê biryar dan ku bêtir hevrêziyê bikin

Daxuyaniya Hêzên 70' mîn

Wêneyek ji civînê

Şandeyeke pilebilind a Hêzên 70'mîn bi serokatiya fermandarê Hêzên 70an li Bexdayê bi Fermandariya Operasyonên Hevbeş re civiya .

Şandeyeke pilebilind a Hêzên 70'mîn  bi serokatiya Lîwa Omer Salih Hesen, fermandarê Hêzên 70'mîn , digel Diyar Omer, fermandarê Hêzên Komando yên Kurdistanê, îro serdana Bexdayê kir û di hêla Lîwa Qeys Xelef el-Mihemedî Fermandarê Operasyonên Hevbeş ve bi germî hate pêşwazîkirin.

Di civînê de li ser rêbazên zêdekirina hevrêziya ewlehî û leşkerî di navbera her du aliyan de nîqaş hatin kirin, û li ser hejmarek mijarên hevpar ên ewlehî û leşkerî, nemaze yên ku bi hewldanên hevbeş ên her du aliyan ji bo şerê li dijî terorê û dabînkirina ewlehî û aramiyê, bi taybetî li deverên di navbera xeta bicihkirina hêzên Pêşmerge û hêzên artêşa Hikûmeta Federal a Îraqê de, berdewam bikin.

Li gorî daxuyaniyê, her du aliyan tekezî li ser "girîngiya xurtkirina kanalên ragihandinê, hevkariyê û hevrêziya meydanî di navbera her du aliyan de, bi taybetî di derbarê mijarên îstîxbaratê, danûstandina agahiyan û pêkanîna operasyonên leşkerî yên hevbeş" kirin. 

Di daxuyaniyê de hate destnîşankirin ku ev yek "di çarçoveya plan û bernameyên çalakiyên hevbeş de dibe alîkar ku asta amadebûn û hevrêziyê di navbera hêzên Pêşmerge, artêşa Îraqê û hemî hêzên federal de bilind bibe." Di daxuyaniyê de hate ravekirin ku "ev serdan di çarçoveya rêze serdan û civînên berdewam ên di navbera hêzên Pêşmerge û hêzên federal ên cûrbecûr de tê, bi armanca xurtkirina têkiliyan, parastina ewlehiya neteweyî û rûbirûbûna terorîstan."

PUKMEDIA