Îraq: Em amade ne ku petrola Herêma Kurdistanê werbigirin

Ragihandina parêzgeha Kerkukê

Heyan Ebdulxenî û parêzgeha Kerkukê

Wezîrê Petrolê yê Îraqê Heyan Ebdulxenî got: “Niha Herêma Kurdistanê rojane 130 hezar bermîl petrolê hildiberîne. Me li hev kir ku 50 hezar bermîl ji bo navxwe were bikaranîn û 80 hezar jî were hinardekirin.”

Wezîrê Petrolê yê Îraqê Heyan Ebdulxenî îro çû parêzgeha Kerkûkê û ji rojnamegeran re got:"Dan û standin û civînên me bi birayên me yên li Herêmê re berdewam in.’’

‘’Em li gel Wezareta Çavkaniyên Siruştî derbarê wergirtin û hinardekirina petrolê ya bi rêya Kompanyaya Bazarkirina Petrolê (SOMO) di nava pêwendiyan de ne.Niha li Kurdistanê berhemanîna ji wan zeviyên petrolê ku heta niha kar dikin, rojane nêzîkî 130 hezar bermîl petrol e   û 50 hezar bermîl ji bo bikaranîna rojane ye û me bi birayên xwe yên li Herêma Kurdistanê re li hev kiriye ku em dê 80 hezar bermîlên din wergirin û bi rêya Bendergeha Ceyhanê ya Tirkiyeyê hinarde bikin; bi îzna Xwedê.’’Wezîrê Petrolê yê Îraqê got

Li gorî PUKMEDIA, armanca sereke ya serdana Wezîrê Petrolê yê Îraqê bo Kerkukê ew e ku wî kevirê bingehîn ê rafineriyeke nû li ser rêya Kerkûk-Hewlêrê li nêzîkî Gurgeçalê danî û serdana zeviya petrolê ya Cebel Bora kir, ku hilberîna xwe ji 5,000 bermîlan gihandiye nêzîkî 25,000 bermîlan.

PUKMEDIA