Dr. Biryar Reşîd:Pabendiyên herêmê li gorî Yasaya Budçeyê kêmtir in

PUKMEDIA

Dr. Biryar Reşîd, Endamê Civata Nûneran ya Îraqê

Têgihîştina di navbera Herêma Kurdistanê û Hikûmeta Navendî de pêwîstiya xwe bi pêngavên kirdarî hene,û Endamekî Civata Nûneran ya Îraqê ji firaksiyona YNKê ragihand ku divê her du alî pabendiyên xwe cî bi cî bikin, bi taybetî Herêma Kurdistanê ku pabendiyên wê kêmtir in.

Dr. Biryar Reşîd, endamê Civata Nûneran ya Îraqê ji firaksiyona YNKê, ji malpera fermî ya Yekîtiya Niştimanî ya Kurdistanê (PUKMEDIA) re ragihand ku, di Yasaya Budceyê de hatiye ku pêwîste Herêma Kurdistanê rojane 400 hezar bermîlên petrolê hinarde bike,lê,di pêngavên piştre û serdanên Serok Bafil, Serokê Yekîtiya Niştimanî ya Kurdistanê (YNK) ji bo Bexdayê de, ew birê bermîlêm petrolê ji bo 230 hezar bermîlan hat kêmkirin,niha jî behsa wê yekê tê kirin ku şiyana hilberînê ya rojane 130 hezar bermîl in, ku ji wan 50 hezar bermîl ji bo Herêma Kurdistanê ye û 80 hezar bermîl jî ji bo Îraqê ye.

Her weha aşkere kir ku,pabendiyên niha yên Hikûmeta Herêma Kurdistanê li gorî Yasaya Budceya Îraqê kêmtir in.

Amaje bi wê yekê jî kir ku divê Herêma Kurdistanê û Bexda vê pirsgirêkê di çarçoveya hejmaran de nehêlin pêwîste pêngavên kirdarî bavêjin,her weha her du alî pabend bin; bi taybetî Herêma Kurdistanê dahata  xwe ya ne petrolê bişînin û hinardekirina petrolê ji nû ve bidin destpêkirin, daku mûçexwer û welatî bi van pirsgirêkan re rû bi rû nemînin.

PUKMEDIA