Mekanîzmayek ji bo ji nû ve destpêkirina hinardekirina petrolê

Arşîv

Berhemanîna petrola herêma Kurdistanê

Wezareta Çavkaniyên Xwezayî Hikûmeta Kurdistanê di daxuyaniyekê de got:"Wan bi Wezareta Petrolê ya Îraqê re li ser mekanîzmaya hinardekirina petrolê li hev kirine û rêkeftin dê li gorî hilberîna rojane ya zeviyên petrolê be, piştî ku 50,000 bermîl ji bo hewcedariyên navxweyî û mayîya hilberînê dê radestî SOMOyê were kirin."

Nivîsa daxuyaniyê:

Wezareta Çavkaniyên Xwezayî ya Hikûmeta Herêma Kurdistanê û Wezareta Petrolê ya hikûmeta federal li ser mekanîzmayekê ji bo ji nû ve destpêkirina hinardekirina petrolê li hev kirin. Peyman ji aliyê 23 nûnerên herdu şandeyan ve hate îmzekirin, ku 17 endamên şandeya Wezareta Petrolê ya federal jî di nav de bûn.

Civîn di 17ê Tîrmeha 2025an de dest pê kirin û serdanên hemû zeviyên petrolê yên Herêma Kurdistanê jî di nav de bûn. Piştî nirxandina pirsgirêkên teknîkî û nîqaşên berfireh, di 11ê Tebaxa 2025an de li ser mekanîzmayekê ji bo ji nû ve destpêkirina hinardekirina petrolê ji zeviyên herêmê, li gorî hilberîna rojane ya zeviyan, lihevkirinek hat kirin. Rojane 50,000 bermîl dê ji bo xerckirina navxweyî ya herêmê were veqetandin, lê mîqdara mayî dê ji bo hinardekirinê radestî SOMOyê were kirin.

Ji bo ji nû ve destpêkirina hinardekirina petrolê ji Herêma Kurdistanê, hikûmeta federal dê bi hikûmeta Tirkiyeyê re gavên ji bo pêkanîna pêvajoyê nîqaş bike.

Wezareta Çavkaniyên Xwezayî

PUKMEDIA