Fewze Yûsif: Rola YNK di şoreşa Rojava de bilind dinirxînin

PUKMEDIA

Fewze Yûsif, seroka şanda Rêveberiya Xweser ji bo danûstandinan bi Şamê re

Fewze Yûsif, seroka şanda Rêveberiya Xweser ji bo danûstandinan bi Şamê re, di hevpeyvînek taybet de bi Kurdistanî Nwê re ku têde behsa danûstandinên bi hikûmeta nûh yê Sûriyê dikir de, behsa rola Yekîtiya Niştimanî ya Kurdistanê bi serokatiya Serok Bafil Celal Talebanî di şoreûa Rojavayê Kurdistanê de kir.

Seroka şanda Rêveberiya Xweser Fewze Yûsif derbarê pirsê li ser rola Serok Bafil di şoreşa Rojavayê de got: Yekîtiya Niştimanî ya Kurdistanê her tim bi helwesta xwe ya neteweyî hatiye nasîn. Di şoreşa Rojavayê Kurdistanê de helwêsta xwe ya xurt nîşan daye. Bi rastî ji sala 2011an vir ve, Navenda Silêmaniyê piştgiriyek mezin a siyasî, dîplomatîk û perwerdeyî pêşkêşî Şoreşa Rojava kiriye, û got jî Ji bo avakirina saziyan YNK alîkariya me kir û kariye têkiliyên Rojavayê Kurdistanê li derveyî welêt pêş bixe û berfireh bike.

Di destpêkê de serok Mam Celal û piştre serok Bafil Celal Talebanî helwêstên xwe aşkire kirin, Em pir qedrê wan digirin, spasiya wan dikin, hemû berpirsên YNK di hemû qonaxan de helwestek mezin nîşan dane, dîrok dê helwesta wan bi ava zêrîn binivîse, tevî zextên li ser YNK  wan serê xwe netewandin û helwesta xwe ya neteweyî nîşan dan, ku ew bi rûmet û bi nirx bûn.
Ez bawer dikim ku di pêşerojê de ji bo yekîtiya neteweyî ya her çar perçeyên Kurdistanê û kongreya neteweyî, divê Yekîtiya Niştimanî xwedî roleke pêşeng û serekî be. Em wek Rojavayê Kurdistanê dibêjin; Çawa hîn jî di navbera me de hevkarî heye da ku şoreş bi ser bikeve, ev hevkarî berdewam bike da ku nasnameya gelê me misoger bibe û destkeftiyên Kurdan biparêze. Bi rêya Kurdistanî Nwê, ez pîrozbahiyê li Birêz Bafil Celal Talebanî û hemî berpirsên YNKê dikim.

PUKMEDIA