Washington: Erka Hevpeymaniya Navneteweyî li Îraqê dê veguhere hevkariyeke ewlehiyê

Reuters

Hêzên Amerîka li Îraqê

Balyozxaneya Amerîkayê li Îraqê ragihand ku erka Hevpeymaniya Navneteweyî li Iraqê dê veguhere hevkariyeke ewlehiyê ya dualî.

Ajansa Nûçeyan a fermî ya Îraqê ji zarê Balyozxaneya Amerîkayê veguhest ku gotiye, "Ev ne dawiya karê hevpeymaniya navneteweyî ye ji bo têkbirina DAIŞê, ew ê hewlên xwe yên bi pêşengiya sivîl li ser asta cîhanî bidomîne.
Wê zêde kir, Erka leşkerî ya hevpeymaniyê li Îraqê dê veguhere hevkariyeke ewlehiyê ya dualî û destnîşan kir ku "hûrguliyên têkildarî plan û operasyonên me yên leşkerî dê ji Wezareta Parastinê re werin şandin.

Şêwirmendê Serokwezîrê Îraqê Hisên Elawî duh Yekşemê ji ajansa fermî re got ku hebûna erka hevpeymaniya navneteweyî li Bexda û Eyn el-Esed dê di Îlonê de biqede, û destnîşan kir ku hikûmet bi nêzîkatiya hikûmetê ya avakirina hêzên çekdar û bidawîkirina erkên hevpeymaniyê pabend e.
 Elawî destnîşan kir ku "lihevkirinek bi welatên hevpeymaniya navneteweyî re hatiye kirin da ku erkên hevpeymaniyê li gorî demek diyarkirî ya 2025 û 2026 bi dawî bibe. Ev lihevkirina ku di navbera Îraq û Amerîkayê de derbarê bidawîbûna erkên hevpeymaniyê de hatiye kirin.

Dewletên Yekbûyî yên Amerîkayê nêzîkî 2,500 leşkerên xwe li Îraqê hene di çarçoveya hevpeymaniya ku di sala 2014an de ji bo şerê li dijî rêxistina terorîst DAIŞê ava bû, piştî ku wê deverên berfireh li her du welatan dagir kir.

Dewletên Yekbûyî yên Amerîkayê û Komara Îraqê li hev kiribûn ku erka hevpeymaniya navneteweyî di Îlona bê de bi dawî bikin.
Hikûmetên her du welatan di 27ê Îlona 2024an de daxuyaniyek hevbeş weşandin, ku tê de lihev kiribûn ku "di nav 12 mehên bê de, û herî dereng heta dawiya Îlona 2025an, erka leşkerî ya hevpeymaniyê li Îraqê bi dawî bibe, û nîşan dan ku her du alî dê derbasî "hevkariyên ewlehiyê yên dualî" bibin.



PUKMEDIA