Fayq Zêdan: Encumena Dadwerî pabende bi cezakirina her sûcdarekî

Encumena dadweriya bilind

Kongireya qirkirina bi komî

Serokê Dadgeha Bilind a Dadwerî, Dadwer Dr. Fayq Zêdan îro Çarşemê piştrast kir ku tawanên li dijî Êzidiyan birîneke kûre di dilê niştîman de, wijdanê mirovahiyê bi tevahî dihejînin. Pabendbûna dadwerî bo bidestxistina dadweriyê û cezakirina hemû kesên ku destên wan bi ixwîna bêgunehan leke ne pişt rast kir.

Di konferansa bîranîna Jînosaydê li dijî civaka Êzidî de, ku ji hêla Navenda Neteweyî ya Hevkariya Dadwerî ya Navneteweyî bi hevkariya Zanîngeha Amerîkî ya Bexdayê ve hate birêxistin kirin, Serokê Encumena Dadweriya Bilind got: Em îro di salvegera birîneke kûr de, tawaneke hovane ya li dijî xwişk û birayên me yên Êzidî hatî kirin, ku wijdanê Îraqê û wijdanê mirovahiyê bi tevahî dihejîne, dicivin.
 Got jî: Di wan rojên tarî de, em şahidiya kuştina girseyî, koçberkirina bi darê zorê û binpêkirina rûmeta mirovan bûn. Bi hezaran kes şehîd bûn, bi hezaran din winda bûn, an jî dîl hatin girtin, lê yên sax man jî bi êşa windakirinê û talîtiya trajediyê re dijîn.Her weha Dadwer Fayq Zêdan dema ku van kêliyên bi êş bi bîr tîne, pabendbûna xwe ji bo bidestxistina dadwerî û cezakirina her berpirsyarek ku dest di van kiryaran de bû, nûh kir. Qanûn ti îstîsnayan nas nake, edalet nermiyê qebûl nake, û li ser axa Îraqê cihek ji bo sûcdarekî tune ku ji cezayê bireve.

PUKMEDIA