Şanda herêmê ji bo çareserkirina pirsa mûçeyan li Bexdayê ye

PUKMEDIA

Diravên Îraqî

Îro; Yekşem rêkefta (24-08-2025) an şandeyek ji Wezareta Darayî ya Herêma Kurdistanê ji bo gotûbêjkirina li ser mûçe, petrol û dahatan gihîşte Bexdayê; û biryar e digel Dîwana Çavdêrî û Wezaretên Pilandanan û Darayî yên Îraqê bicive.

Li gorî zanyariyên PUKMEDIA; şandeya Wezareta Darayî ya Herêma Kurdistanê ji bo lihevkirinekê li ser dahatên ne petrolê gihîştiye Bexdayê,û biryar e digel Dîwana Çavdêriya û Wezaretên Pilandanann û Darayî bicive; daku li ser dahatên ne petrolê yên Herêma Kurdistanê lihevkirinekê bikin.

Her li gorî zanyariyên PUKMEDIA, amadekirina raportek e hevbeş ji bo dirustkirina têgihîştinek derbarê dahatên ne petrolê yên Herêma Kurdistanê armancek din ya serdanê ye,di demekê de ku ;her çiqas Herêma Kurdistanê bawer dike li gorî destûr û yasaya Îraqê û yasaya budceyê, %100ê dahata giştî ya wezaretan ya xwe ye, lê amadebûna xwe nîşan daye ku %50ê dahata gumrik û baca dahatê û %100ê dahata dezgehên Federalî radest bike.

Li hemberî wê yekê, Îraq bawer dike ku li gorî yasaya rêveberiya darayî ya dewletê, divê wezaret %50ê dahata giştî ji xercan û %100ê dahata giştî ji gumrik û bacan bişînin, li gorî PUKMEDIA, piştî dosye ya petrolê, xala kor ya di navbera her du hikûmetan de, cudahiya birê dahata navxweyî ya ku were radestkirin e,niha tenê %50ê dahatên gumrikê li ser lihevkirinek hatiye kirin û merc, daxwaz û dahatên din di navbera Îraq û Herêma Kurdistanê de ne hatine çareserkirin.

PUKMEDIA