Di salvegera 31 Tebaxê de

PUKMEDIA

Xiyaneta 31 Tebaxê

Îro salvegera 31ê Tebaxê ye, dema ku hêzên rêjîma dîktator di sala 1996an de êrîşî Hewlêrê kirin. Bi dehan dijberên Tevgera Neteweyî û Îslamî ya Îraqê ji Şîe û Tirkmen, ligel welatiyên Kurdistanê û endamên Pêşmergeyên Yekîtiya Niştimanî ya Kurdistanê, şehîd û birîndar bûn û hatin girtin. Ev bûyer ji bo hemî hêz û partiyên Kurdistan û Îraqî wekî kêrek li piştê bû.

 Bûyerê 31ê Tebaxê ji bo endamên Tevgera Neteweyî ya Îraqê û hêzên Kurdî şok bûn, û birînên wê rojê heta roja îro jî baş nebûne. Saziyên destûrî û rewa yên hilbijartî yên herêmê rastî dagirkerî û binpêkirinên eşkere hatin. Çek li saziyên hikûmetê û Parlamentoya Kurdistanê, ku sembola demokrasiyê ye, hatin avêtin.
Yekîtiya Niştimanî ya Kurdistanê ku armanca sereke ya wê êrîşa leşkerî bû, wê rojê qurbaniyên mezin da. Baweriya wê bi wê yekê hebû ku ji bo çareserkirina nekokiyên navxweyî nabe serî li hêzên biyanî bidin. çareseriya çêtirîn rêbazên siyasî û diyaloga aqilane ye ji bo çareserkirina her nekokiyeke siyasî, hem niha û hem jî di pêşerojê de.

Ev diyalog û têgihîştin ewe ku ezmûna me diparêze û wê dixe ser rêya rast a pêşketin, çaksazî û geşepêdanê. Ji bo vê armancê, Yekîtiya Niştimanî her tim berjewendiyên bilind ên gelê me tekez kiriye û di vî warî de qurbaniyên mezin daye.
Dema ku em vê salvegera bi êş bi bîr tînin, em helwestên xwe yên welatparêzî ji nû ve piştrast dikin û giyanê şehîdên 31ê Tebaxê û hemû şehîdên gelê Kurdistanê silav dikin. 


PUKMEDIA