Zêdetirî 600 kes di erdhejeke bihêz de li rojhilatê Afxanistanê mirin

PUKMEDIA

Afxanistan

Televîzyona Niştîmanî ya Afxanistanê (R.T.A) ragihand ku di erdhejê ku şeva Yekşemê 31ê Tebaxa 2025an, li rojhilatê Afxanistanê çêbû de zêdetirî 600 kes mirin û nêzîkî 1000 kesên din jî birîndar bûn.

Desthilatdarên tenduristiyê yên Talîbanê li paytext Kabîlê diyar kirin ku ew hîn jî ji bo piştrastkirina hejmara fermî ya miriyan dixebitin û ji bo gihîştina deverên dûr dixebitin.
Li gorî Lêkolîna Jiyolojî a Dewletên Yekbûyî, erdheja bi hêza 6.0 pile di demjimêr 19:17 GMT de, berî nîvê şevê bi dema herêmî, li parêzgeha Nancarhar li rojhilatê Afganistanê, nêzîkî sînorê bi Pakistanê re çêbû.
Desteya lêkolîna Jiyolojî got ku erdhej di kûrahiya 8 kîlometreyan de çêbûye.

PUKMEDIA