Erdheja Afganistanê: Ji ber krîza alîkariyê hejmara miriyan ji 2200 derbas bû

Reuters

Erdhej li Avganistanê

Xebatkarên rizgarkirinê hewlên xwe ji bo derxistina laşan ji nav kavilên xanîyên ku ji ber erdhejên li Afganistanê wêran bûne, berdewam kirin, her weha dem li pêş rizgarkiriyên ku li ber pêşerojeke tarî ne xelas dibe û ajansên alîkariyê yên navneteweyî hişyarî didin ku pereyên ji bo xwarin û cih û dermanan kêm dibin.

Hikûmeta Talîbanê got ku lêgerîn li deverên çiyayî yên rojhilatê ku ji ber erdhejê bandor bûne berdewam kir, destnîşan kir ku hejmara miriyan  niha ji 2205 derbas bûye, lê hejmareke rast hîn nehatiye piştrast kirin.
Kesekî rizgarkirî ji parêzgeha Kunar a herî zêde bandor lê bûye dibêje: Her tiştê ku me hebû wêran bû, mala me hilweşiya, tiştekî me nema tenê cilên ku me li xwe kirine mane.

Erdheja yekem, bi hêza 6.0 derece ku roja Yekşemê, 31ê Tebaxê çêbû yek ji erdhejên herî bihêz bû ku di salên dawî de li Afganistanê çêbibû,  zirar û wêraniyek berfireh çêkir bi kûrahiya 10 kîlometr bû.
 Erdhejeke duyemîn a bi pileya 5.5 di roja Sêşemê 2ê Îlonê de, bû sedema girtina rêyên ber bi gundên din ve. Rayedaran ragihandin ku nêzîkî 3,400 kesên din birîndar bûne û zêdetirî 6,700 xanî hilweşiyane. Neteweyên Yekbûyî hişyarî da ku hejmara miriyan dikare zêde bibe ji ber ku mirov di bin kavilan de asê mane, ji ber ku dem ji bo dîtina kesên saxmayî kêm dibe.

PUKMEDIA