Ji ber lehiyê li Pakistanê bi dehan kes fetisîne

Ajans

Lehiyên li Pakistanê

Di dema 24 demjimêran de ji ber lehiyê li parêzgeha Punjab ya li Rojhelatê Pakistanê zêdetirî 122 hezar kes hatine rizgarkirin.

Rêveberê Giştî yê Desteya Rêvebiriya Karesatên Punjabê (PDMA) Irfan Eli Kathia derbarê hewldanên rizgarkirina welatiyên bajarê Celalpur Pirwala yê eyaletê ji ber lehiyan de daxuyaniyek da.

Zêdetirî 122 hezar kes hatine rizgarkirin

Kathia di daxuyaniyê de destnîşan kir ku di 24 demjimêrên dawî de zêdetirî 122 hezar kes ji Celalpur Pirwala hatine rizgarkirin û got: Gelek kesan li cem xizmên xwe stargeh girtine an jî li kampên alîkariyê mane, her weha tekez kir ku ji heyva borî ve li Punjabê ji ber lehiyê 2 Milyon û 200 hezar kes bê cih û war mane û zêdetirî 3 hezar û 900 gund di bin avê de mane.

Ji meha borî û heya niha ji ber lehiyê herî kêm 61 kes fetisîne

Desteya Rêvebiriya Karesatên Neteweyî ya Pakistanê ragihand ku hejmara qurbaniyên barana Mûsonê ya ku di 26ê Hezîranê de dest pê kir gihîştiye 910 kesan.

Rayedar dibêjin ku ev lehî ji karesata 2022an vir ve karesata herî xirab e ku di encamê de zêdetirî hezar û 700 kesan canê xwe ji dest dane, û sêyek ji zeviyê wî welatî di bin avê de mane û bi qasî 32 milyar dolaran ziyan gihîştiye wî welatî.

PUKMEDIA