Cîgirê Serok û Balyozê Îtalyayê pêşxistina hevkariya hevbeş piştrast kirin

Ragihandina cîgirê serokê Herêmê

Cîgirê serokê Herêmê û Balyozê Îtaliya li Îraqê

Cîgirê Serokê Herêma Kurdistanê Şêx Cafer Şêx Mistefa pêşwaziya Balyozê Îtalyayê li Îraqê Nicolo Fontana û şandeya pê re kir.

Di civînê de pêşketinên dawî yên siyasî û ewlehiyê li Îraq û navçeyê bi giştî, têkiliyên di navbera Îtalya û Herêma Kurdistanê de, pirsgirêkên di navbera Hewlêr û Bexdadê de û hilbijartinên parlemanî yên pêşerojê hatin gotûbêjkirin.

Herdu aliyan girîngiya berdewamkirin û berfirehkirina têkiliyan û pêşxistina hevkariya hevbeş tekez kirin. Di derbarê pirsgirêkên di navbera Hewlêr û Bexdadê de tekezî li ser berdewamiya diyalog û danûstandinan û çareserkirina pirsgirêkan li gorî destûrê kirin.

Di beşek din a civînê de, ku Thomaso Sansoni, Konsulê Giştî yê Îtalyayê li Herêma Kurdistanê beşdar bû, avakirina kabîneya nû ya Hikûmeta Herêma Kurdistanê û pêşkêşkirina hewl û gavên herî dawî yên pêvajoyê, û her weha nirxandina rewşa giştî ya navçeyê û encamên bûyer û pêşketinan, du mijarên din ên gotûbêjan bûn.

PUKMEDIA