Tirkiyê hin navendên xwe ji Rojavayê Kurdistanê vala kiriye

PUKMEDIA

Efrîn

Piştî heft salan, Artêşa Tirkiyê beşek ji Efrîn radestî hêzên Ehmed Şera kir, di nav de çend baregehên leşkerî jî hene.

Radyo Monte Carlo International ragihand ku artêşa Tirkiyê heft deverên bajarê Efrîn ê Rojavayê Kurdistanê radestî hêzên Ehmed Şera kir, ku hin ji wan avahiyên dibistanên berê ne ku artêşa Tirkiyê wekî baregehên leşkerî bi kar dianîne.
Ji dema hilweşîna rêjîma berê ya Sûriyê ve, hejmareke mezin ji penaberên ji Efrîn vegeriyane malên xwe û jiyana xwe ya normal berdewam kirine.

Di wê derbarê de rojanmevan Hozan Afrînî ji PUKMEDIA re got:Rast e ku hêzên Tirkiyê beşên Efrîn vala kirine û radestî hêzên Ehmed Şera kirine,lê belê, hîn jî gelek deverên girîng û stratejîk li Efrîn hene ku hîn jî di destê hêzên Tirkiyê de ne.
Got jî : Her sal di dema gihîştina zeytûnan de, ku ji bo xelkê Efrîn çavkaniyek dahatê ne û hilberînek mezin a salane heye, hin guhertinên ewlehiyê li herêmê çêdibin, ku dibe sedema talankirin hilberîna zeytûnan û zirarê. Ji ber vê yekê, radestkirina hin deverên Efrîn dikare wekî armanceke siyasî were dîtin.

Di 20ê Kanûna 2018an de, artêşa Tirkiyê operasyonek da destpêkirin û êrîşî axa Efrîna Rojavayê Kurdistanê kir.

PUKMEDIA