Serok Komar û Qubad Talebanî beşdarî salvegera damezrandina NY dibin

Ragihandina serok

Serok Komar û Qubad Talebanî

Roja Duşemê 22ê Îlona 2025an Serokê Komarê Dr,Ebdul Letîf Cemal Reşîd  û cîgirê serok wezîrê Herêmê Qubad Talabanî beşdarî Pîrozbahiya 80 emîn Salvegera Damezrandina Neteweyên Yekbûyî dibin.

Beşdarbûna serok komar di pîrozbahiya Neteweyên Yekbûyî de serbilindiya Îraqê di hewldanên wê yên ji bo parastina aştî û ewlehiya navneteweyî û pêşvebirina rêzgirtina ji bo mafên mirovan û azadiyên bingehîn nîşan dide.
Di nav şandeya Îraqê de Cîgirê Serokwezîr û Wezîrê Karên Derve Fuad Husên, Şêwirmendê Ewlekariya Neteweyî Qasim El-Erecî, Serokê Desteya Şêwirmend û Pisporan a Serokatiyê Dr. Elî El-Şukrî û Şêwirmendê serokê encûmena wezîran Dr. Xalid El-Yeqûbî jî hebûn.

Serokê Komarê duh Yekşemê ji bo beşdarbûna di civînên Civata Giştî ya Neteweyên Yekbûyî de gihîşt New Yorkê. Her weha serokatiya şandeyeke fermî dike ku ji Cîgirê Serokwezîrê Herêma Kurdistanê Qubad Talebanî, Cîgirê Serokwezîr û Wezîrê Karên Derve Fuad Husên, Wezîrê Tenduristiyê Dr. Salih el-Hesnewî, Wezîrê Koç û Koçberan Evan Fayq Cebro, Şêwirmendê Ewlekariya Neteweyî Qasim el-Erecî, nûnerekî Encûmena Bilind a Dadwerî û hejmarek berpirsan pêk tê.

PUKMEDIA