Parlamenter: Ji nû ve destpêkirina hinardekirina petrolê gaveke girînge bo çareserkirina pirsgirêkan

PUKMEDIA

boriya petrolê

Peymana ji nû ve destpêkirina hinardekirina petrola xav ji Herêma Kurdistanê bi rêya boriya Îraq-Tirkiyê duh Şemiyê dest pê kir. Hinardekirin bi awayekî bê astengiyên teknîkî bi rê ve çû, ev jî serkeftina hevkariya di navbera hikûmeta Federal û hikûmeta Herêmê de nîşan dide.

Gaveke Girîng

Parlamenter Kerîm Şukr, cîgirê serokê fireksiyona Yekîtiya Niştimanî ya Kurdistanê li Meclîsa Nûneran ji PUKMEDIA re got: "Destpêkirina hinardekirina petrolê ji Herêma Kurdistanê gaveke girîng e ji bo çareserkirina pirsgirêkên darayî yên di navbera Hikûmeta Herêma Kurdistanê û hikûmeta Federal de, bi taybetî derengketina dayîna mûçeyên karmendên Herêmê.
Got jî:  Çaverêne ku Wezareta Darayî ya federal mûçeyên meha Tîrmehê(Temûzê) vê hefteyê bide, û hewlên ji bo dayîna mûçeyên mehên mayî yên sala heyî berdewam in. "Ji bo ku qanûna budceya federal a 2026an were yasakirin, divê fireksiyonên Kurdî bi baldarî bixebitin da ku mafên Herêma Kurdistanê bi tevahî di budceyê de cih bigirin, ne tenê mûçe

190 hezar bermîl di rojê de

Wezîrê Petrolê Heyan Ebdul Genî piştrast kir ku qebareya petrola ku ji herêmê tê hinardekirin digihîje 190,000 bermîl di rojê de.û diyar kir ku di 25ê mehê de, peymanek sêalî di navbera Wezareta Petrolê ya Îraqê û Wezareta Çavkaniyên Xwezayî, û her weha kampaniyên ku li zeviyên hilberînê yên herêmê dixebitin de hate îmzekirin, da ku rojane 180 hezar heta 190 hezar bermîl petrol radestî Wezareta Petrolê bikin û 50 hezar bermîl ji bo xebitandina rafineriyên navxweyî werin veqetandin.
Wî berdewam kir, em li bendê bû ku bi herêmê re peymana ji nû ve destpêkirina hinardekirinê hebe, û ev bi pompekirina( berdana) petrola xav ber bi xala wergirtinê ya nêzîkî Fîş Xabûr li ser sînorê Îraq-Tirkiyê hate bidestxistin."


PUKMEDIA