Cîgirê serokê Herêmê girîngiya domandina têkiliyên bi Holandayê re piştrast dike

PUKMEDIA

Cafer Şêx Mistefa

Cafer Şêx Mistefa, berpirsê Encumena Bilind a Parastina Berjewendiyên Yekîtiya Niştimanî ya Kurdistanê, roja Duşemê 29ê Îlona 2025an pêşwaziya Kolonel Aryan Bouma fermandarê nû yê hêzên Holendî di Hevpeymaniya Navneteweyî ya li dijî DAIŞê de kir.

Di hevdîtinê de, Cîgirê Serokê Herêma Kurdistanê pêşwaziya Kolonel Bouma kir û ji bo wergirtina posta wî ya nû wekî fermandarê hêzên Holendî di Hevpeymaniya Navneteweyî ya li dijî DAIŞê de li Îraq û Herêma Kurdistanê pîrozbahî lê kir. Hêviya serkeftinê di erka nûh de jêre xwest û amadebûna Herêma Kurdistanê ji bo pêşkêşkirina piştgirî û hevkariyê ya tevahî ji bo misogerkirina serkeftina erkên wî piştrast kir.

Ji aliyê xwe ve, Kolonel Bouma kêfxweşiya xwe ji bo wergirtina erkên xwe li Îraq û Herêma Kurdistanê anî ziman, û girîngiya berdewamiya têkiliyan û pêşxistina hevkariya hevbeş di navbera welatê xwe û Îraq û Herêma Kurdistanê de anî ziman.


PUKMEDIA