Nêrweyî: YNKê li ser destê Serok Mam Celal bingeha medyaya Kurdî danî

PUKMEDIA

Letîf Nêrweyî, Berpirsê Burda Ragihandina Yekîtiya Niştimanî ya Kurdistanê

Letîf Nêrweyî, Berpirsê Burda Ragihandina Yekîtiya Niştimanî ya Kurdistanê got: Yekîtiya Niştimanî ya Kurdistanê li ser destê Serok Mam Celal bû bingeha pêşveçûna medyaya Kurdî û ji bo pêşveçûna medyaya serbixwe hawîrdorek guncaw afirand.

Niha jî Silêmanî paytexta medyaya azad e; derbarê Kerkûkê de jî got: Kerkûk di hemû qonaxên têkoşînê de ji bo Serok Mam Celal xwedî girîngiyeke mezin bû û niha tîma YNKê ya li Kerkûkê kariye xizmeteke baş ji bo bajêr bike.

Di salvegera malavaîya Serok Mam Celal de Mekteba Ragihandin û Hişyariyê ya YNKê qefta gulan ya rêz û dilsoziyê danî ser goristana wî; û Letîf Nêrweyî, Berpirsê Burda Ragihandina Yekîtiya Niştimanî ya Kurdistanê ragihandin, dibe ku ew pênaseya serokên partiyên Îraqî û Kurdistanî ji bo Serok Mam Celal kirine renge me nekaribe mezinahî, wêrekî, dîplomasî, lêbordeyî, baldariya li ser pêkhateyan, jiyana hevbeş, azadiya ramanê û azadiya siyasî ya Serok Mam Celal bi awayekî rast gotûbêj bike û pênase bikin lê em soza xwe ya berdewamiya riya wî dubare dikin.

Her weha got: Serok Mam Celal berî serhildanê û li çiyayan jî girîngî dida xebata medyayî, ji ber vê yekê em dikarin bibêjin ku serdema çiya û şoreşa nû qonaxa vejîn û pêşveçûna rojnamegeriya Kurdî bû, ji ber ku ne yek çapxane lê sê çapxane hatin damezrandin, ji bilî radyo jî, bi dehan rojname û broşûr dihatin çapkirin û weşandin, ku girîngiyeke mezin didan peyam û naveroka xwe,her wiha li çiyayan medyayek ji bo jinan, nivîskar û hunermendan jî hebû piştî serhildanê jî, li ser  destê Serok Mam Celal de, YNKê bû bingeha pêşketina medyaya Kurdî û ji bo pêşketina medyaya serbixwe hawîrdorek guncaw afirand.

Berpirsê Burda Ragihandina Yekîtiya Niştimanî ya Kurdistanê (YNK) got: Niha Silêmanî paytexta medyaya azad û rexnegir û medyaya partiyên din e, ji ber ku ew li parêzgeha Silêmaniyê medyaya herî serbixwe ye.

Letîf Nêrweyî amaje bi wê yekê kir ku peyama YNKê aramî, jiyana hevbeş, xizmet û ji nû ve avakirin e,em ê têkoşîna Serok Mam Celal li Kerkûkê bidomînin, çawa ku wî her tim di têkoşîna şoreşgerî de Kerkûk bi bîr dianî, piştî serhildanê jî wî dixwest Kerkûkê vegerîne ser Kurdistanê,û dema ew bû serokkomarê Îraqê jî, wî herî zêde serdana bajêr dikir, niha, tîma YNKê li Kerkûkê kariye xizmetek e baş ji bajêr re bike û em ê berdewam bin.

Îro heşt sal di ser koça dawî ya Serok Mam Celal, yekem serokkomarê Îraqê û Sekreterê Giştî yê Yekîtiya Niştimaniya Kurdistanê (YNK) re derbas bûn  ku roja (17-12-2012)an de ji ber xirabûna rewşa tenduristiyê ji bo dermankirina bijîşkî şandin Almanya, lê mixabin, roja  (03-10-2017)an de krîza dil derbas kir û canê xwe ji dest da.

PUKMEDIA