YNKê şehîdên xwe ji bîr nake û li Bexda xizmetê ji mîratgirên wan dike

PUKMEDIA

Şehîdê Yekîtiya Niştimaniya Kurdistanê

Dîroka YNKê tijî serbilindî û fedakariyê ye û bi hezaran çîrokên li çiya û zindanan hene, ku şahidiya temenê vê hêza siyasî dike ku ji bo bidestxistina mafên gelê Kurdistanê kêmtir xemî nekiriye û xwîna şehîdên wan diaxive, bi cûrekê ku her demê Serok Mam Celal digot: Tişt bi dest YNKê ketiye bi saya xwîna şehîdan e, îro, YNK bi serokatiya Bafil Celal Talibanî, xizmetkirina ji bo warisên şehîdan kiriye pêşîniya xwe û xwîna şehîdan pîroz kiriye.

Divê mûçeyên Hikûmeta Herêma Kurdistanê û Îraqê wekhev bên kirin

Leyla Kerîm Hemedî, namzeta jimare 20 ya lîsta 222 ya YNKê li bazineya Silêmaniyê, ji PUKMEDIA re ragihand ku eger em herin parlemanê, karê me yê din li parlemana Îraqê dê li gorî rêgez û bernameyên ku ji aliyê Lîsta 222 û YNKê ve hatine destnîşankirin be, ew jî ew e ku em li ser made û bendên girîng yên ji bo Herêman bixebitin,û ji ber nebûna budceyê heya niha kar li ser ne hatiye kirin, ya herî girîng ji van, wekhevkirina mûçeyên mûçexweran û mîratgirên şehîdan li herêmê bi Îraqê re ye.

Her weha ragiahd ku eger ez baweriya gel bi dest bixim, pêşîniya min ew e ku ez hewl bidim mûçeyên mîratgirên şehîdên Herêma Kurdistanê bi mûçeyên mîratgirên şehîdên Îraqê, bi taybetî, wekhev bikim, ku cudahiyel zêde heye  pêwîste wusa nebe, hevdem ezê her wiha bixebitim daku malbatên şehîdan ji wergirtina pêşîneya hevsergîrî û kursên perwerdehiyê sûd werbigirin.

Emê mafên warisên şehîdan bi yasayê biçespînin

Yekîtiya Niştimaniya Kurdistanê (YNK her tim hewl daye ku xizmeta warisên şehîdan bike, û biryardar e ku di pêşerojê de di parlemana Îraqê de zêdetir ji bo warisên şehîdan bixebite û mafên wan bi yasayê bicîh bîne.

Birako Şêrko Fatih, namzedê jimare 22 li lîsta 222 ya PUKê li bazineya Kerkukê, ji PUKMEDIA re ragihand ku, Yekîtîya Niştîmanî ya Kurdistanê (YNK) her tim hewl daye ku xizmeta mîratgirên şehîdan bike û di demên berê de jî ji bo vê yekê gelek kar kiriye,her weha got: Di pêşerojê de, divê YNKê di parlemana Îraqê de zêdetir ji bo warisên şehîdan kar bike û mafên wan bi yasayê bicîh bîne, ji ber ku ez kurê şehîdan im û êşa warisên şehîdan fêm dikim, eger ez baweriya gel bi dest bixim, pêşîniya min ew e ku hewl bidim xizmeta hemû mîratgirên şehîdan bikim û ezê bê tirs ji bo mafên wan şer bikim û xizmeta gel bikim.

Navê Partiya Şehîdan li ser navê YNKê hatiye dayî.

YNKê li Herêma Kurdistanê xwedanê hejmara herî zêde ya şehîdan e, ji ber vê yekê navê Partiya Şehîdan lê hatiye kirin, li gorî tomarên Mekteba Şehîd û Tekoşerên Yekîtiya Niştimaniya Kurdistanê (YNK), zêdetirî 26 hezar şehîdên YNKê hene.
Têgeha şehîd nasname, dîrok û serweriya YNKê ye.

Têgeha şehîd ji bo  YNKê hemû cudahîyên tîne cem hev, têgeha herî pîroz ya di pileya herî bilind ya di nav YNKê de ye,ev têgeh komkerê hemû cudahiyên di nav rêzên YNKê de ye ku pîroztirîn têgehe di asta herî bilind de li cem YNKê, nav û nirxa mezin ya şehîd her tim di çalakî û civînên YNKê de zû hebûye û berî her gotin û gotinên din, li ber giyanên paqij yên şehîdan rawestiyaye, peyam û gotinên şehîd bûne.

PUKMEDIA