Şêx Cefer:Xelkê Derbendîxan û Qeredax xwedanê YNKê ne

Nivîsgeha Ragihandina Şêx Cefer Şêx Mistefa

Mistefa, Berpirsê Civata Parastina Berjewendiyên Bilind ya YNKê

Îro roja Şemiyê rêkefta 25-10-2025 an Serokê Civata Parastina Berjewendiyên Bilind yên Yekîtiya Niştimanî ya Kurdistanê (YNK) Şêx Cafer Şêx Mistefa li gundê Miçê Kiwêr yê herêma Qeredaxê serpereştiya kernevaleke girseyî kir ku ev çalakî ji aliyê Asoy Hama Reûf ve, ji bo akinciyên Qeredax û Derbendîxanê, bi armanca piştgiriya lîsta 222 ya Yekîtiya Neteweyî ya Kurdistanê, hate lidarxistin ku di kernevalê de, Şêx Ehmed Heme Kerîm, endamê Mekteba Siyasî û Berpirsê Bazineya hilbijartinê ya Germiyanê, Salar Mehmûd, Berpirsê Melbenda rêxistina Germiyanê, Cemalî Elî Mîna, Berpirsê Bazineya hilbijartinê ya Derbendîxanê yê 20 û hejmareke mezin ji kesayetên civakî bi wêrekî serdana akinciyên Derbendîxan û Qeredaxê kirin ku wan tu carî serê xwe li hember dagirkeran netewandine û hejmareke mezin ji kurên xwe di şoreşa nû ya gelê me de feda kirine û akinciyên wê êşên Enfal, koçberî û şewitandina erdên xwe kişandin.

Behsa wê yekê kir ku gelê van herdu herêman dîroka bi heybet ya YNKê baş dizanin û ji wan re eşkere ye ku çawa YNKê di rewşa herî bê hêvî de li hember rejîma Beisê li ber xwe da û ji bo wan û tevahiya gelê Kurdistanê hêvî anî, lewra ew xwedanê YNKê ne.

Paşê Berpirsê Civatê got: Piştî serhildanê, Serok Mam Celal bi xwe girîngiyeke mezin daye vê herêmê, di heman demê de YNKê bi qasî ku ji destê wê dihat xizmet ji van herêman re kiriye û xwendingeh, projeyên avê, rê û navendên tenduristiyê peyda kiriye, ew pîlan dike ku di pêşerojê de zêdetir xizmeta wan bike, ji ber vê yekê em piştrast in ku akinciyên kedkar yên herêmê dê piştgiriyê bidin YNKê û bernameyên wê.
Derbarê hilbijartinan de jî, wî tekez kir ku hilbijartin ne tenê mijarek girêdayî YNKê ye, lê bûye mijarek neteweyî, niha girseyên gelê me dikarin deng bidin, daku li Bexdayê, mafên wan yên rewa biparêzin, û ji bo vê armancê girîng e ku piştgirîya Lîsta 222 ya YNKê were kirin, ku kesên baş û xwedî ezmûn destnîşan kiriye, ji bo ku bi riya derxistina yasayên guncaw di Civata Nûneran ya Îraqê de, baştir xizmeta berjewendiyên gelê Kurdistanê bê kirin.

Her weha aşkere kir ku, ji ber vê yekê, di roja hilbijartinê de, hûn û xizmên we, bi taybetî dayîk û xwişkên ku beşek girîng a civakê ne, herin ser sindoqan û dengê xwe bidin namzedên hilbijartî yên YNKê û bi xwedê û millet, emê serkeftinê pîroz bikin.

Di beşek din ya kernevalê de, Şêx Ehmed Heme Kerîm û Cemalî Elî Mîna axaftin kirin û li ser girîngiya piştgiriya Lîsta 222 yê  YNKê axivîn.

PUKMEDIA