Qubad Talebanî: YNK e ya bihêz tê wateya Kurdistaneke bihêz û aram

Ragihandina Qubad Talebanî

Qubad Talebanî Serpereştyarê Bazineya Hilbijartinê ya Hewlêrê ya Lîsta 222 ya Yekîtiya Niştimanî ya Kurdistanê

Qubad Talebanî, Serpereştyarê Bazineya Hewlêr ya Lîsta 222 ya Yekîtiya Niştimanî ya Kurdistanê (YNK) ji bo Gera Şeşemîn ya Hilbijartina Civata Nûneran ya Îraqê, bi amadebûna Feysel Kerîm Xan li Sîdekan di hevdîtinekê de bi xizm û hevalên Biradost re ragihand ku, ev YNKê ewqas bihêz e ku nahêle heval û gelê wê bê xiyanetkirin,ji ber vê yekê, YNKê ya bihêz tê wateya Kurdistaneke bihêz.

Qubad Talebanî, di civînê de ragihand ku eşîra Biradost mîna gelek eşîrên din di parastina axa Kurdistanê û nasnameya me ya Kurd de roleke mezin lîstine.

Her weha tekez kir ku neviyên Xanî Lepê Zêrîn û qehremanên Kela Dimdimê semboleke mezin ya wêrekiya Kurd in û her tim îspat kirine ku ew dimirin lê serê xwe natewînin.

Serperiştê Bazineya Hewlêr ya Lîsta 222 ya Yekîtiya Niştimanî ya Kurdistanê (YNK) got: Min peywendiya dîrokî ya di navbera Serok Mam Celal û Mîrê Mîran Kerîm Xan yê Biradostê de bi bîr xist ku çawa ev peywendiya xurt di roja yekem ya şoreşa nû ya gelê me de hate damezrandin û heta roja îro jî berdewam e.

Qubad Talebanî tekez kir ku YNKê di sala 2025an de ji YNKê berî deh salan pir cudatir e, ev YNKê ewqas bihêz e ku rê nade xiyanetkirina hevalên xwe û girseyan û her ku dengê gel xurttir be, ew qas çêtir û bi bandortir dibe ku mirov li dijî ne heqiyê bisekine.

Di dawiyê de, wî ji wan xwest ku xelkê hatiye xapandin YNKê nas bikin û dengên zêdetir ji bo YNKê berhev bikin, ji ber ku YNK e ya bihêz tê wateya Kurdistaneke bihêz û aram.

PUKMEDIA