Serok Bafil: Lîsteya 281 garantiya jiyana hevbeş, avakirin û ji nû ve avakirinê ye

PUKMEDIA

Serok Bafil Celal Talebanî

Serok Bafil Celal Talebanî serokê Yekîtiya Niştimanî ya Kurdistanê spasiya xelkê Mûsilê kir ji bo sebir û berxwedana wan a li hember hemû dijwarî û aloziyên ku parêzgeh kişandiye. Wî baweriya wan a bêdawî bi YNK bilind nirxand û tekez kir ku ew serê xwe bilind in û moralê wan xurt e. Wî Nînewa wekî dîwarekî xurt bi nav kir ku hemû komployên terorîstên DAIŞ û El Qaîdeyê nekarîne bişkînin.

Di gotarekê de ku roja Duşemê di dema beşdarbûna xwe di kernevala giştî ya ji bo danasîna namzedên lîsteya Hevpeymaniya Yekîtiya xelkê Nînewa (jimara 281) de hat lidarxistin, Serok Bafil got ku Nînewa ne bi din kontrola tik es an jî aliyeke derve  de bû lê belê hêza xwe ji xelkê Mûsilê digire. Wî tekez kir ku divê xelkê Mûsilê di avakirina Îraqeke nû de hevkarên sereke bin.

Serok Bafil Celal Talebanî destnîşan kir ku YNK nûnerê rastîn ê hemû pêkhateyên li parêzgehê ye û got, "Em wek yekîtî partiya Serok Mam Celal dizanin ku pirrengî çavkaniya hêzê ye ji bo Nînewa û ne tiştek e ku gelê wê qels bike." Wekî ku Serok Mam Celal tekez dikir û siyaseta çepke gulê vedigot, digot ku gurzegul çiqas mezin be, ewqas xweşiktir e, û bê aramiya Mûsilê aramiya Îraqê temam nabe.

Serokê Yekîtiya Niştimanî ya Kurdistanê piştgiriya xwe ji bo hêzên ewlehiyê di dabînkirina ewlehî û aramiya li Mûsilê de dubare kir û aşkire kir, Em piştgir û alîkar in ji bo hemî êl û her welatiyekî ku ji bo misogerkirina serweriya Mûsil û ewlehiya xelkê wê û ji bo aramiya wê dixebitin.

Serok Bafil Talebanî destnîşan kir ku YNK ji bo vegera bi rûmet a xwişk û birayên me yên Êzidî bo malên xwe yên ku ji wan hatine koçberkirin û ji bo vegera hemî koçberan bo deverên xwe yên resen bi parastina rûmeta xwe têdikoşe.Got jî: Ez dizanim ku Mûsil rastî paşguhkirineke mezin hatiye û li gor pêwîst xizmet jêre ne hatiye kirin. Pêdivî bi xizmetên zêdetir heye û dem hatiye ku Mûsil bêyî cudahî para xwe ya mafdar ji xizmetê werbigire. Divê pêvajoya ji nû ve avakirinê bileztir bibe.

Wî destnîşan kir ku YNK projeyek ji bo ji nû ve avakirina Parêzgeha Nînewa heye û namzedên HevpeymaniyaXelkê Nînewa ku li ber we radiwestin, ji bo pêkanîna vê projeyê dixebitin da ku Mûsil bikaribe bibe navendek ji bo avakirin, pêşkeftin û nûjenkirinê ji bo hemî Îraqê. Em ê ji bo vegerandina windayan û bidawîkirina girtina mirovên bêguneh bixebitin da ku ew bikaribin vegerin malbatên xwe.


PUKMEDIA