Rêxistinên çavdêriyê bi sedan binpêkirinên PDKê di dengdana taybet de tomar dikin

PUKMEDIA

Proseya dengdana taybet

Tora Şemis ya ji bo Çavdêriya Hilbijartinan ragihand ku di dema dengdana taybet de li Parêzgeha Hewlêrê bi sedan binpêkirinên hilbijartinê hatine tomar kirin.

Hogir Çeto Serokê Rêxistina Rizgarkirina Gel û Serokê Tora Şemis ya ji bo Çavdêriya Hilbijartinan, diyar kir ku rêxistina wî bi sedan binpêkirin di dengdana taybet de li Parêzgeha Hewlêrê, ku di bin kontrola Partiya Demokrat a Kurdistanê (PDK) de ye, belge kiriye.

Çavdêrên ku çavdêriya proseya hilbijartinê li parêzgehên Hewlêr û Duhokê dikin, ku deverên bandora Partiya Demokrat ya Kurdistanê ne, bi sedan binpêkirinên hilbijartinê ji aliyê namzed û berpirsên vê partiyê ve tomar kirin.

Çavdêran aşkere kirin ku binpêkirin ji belavkirina belavok û kartan hindek namzedan bigire heya fişar û gefxwarina endamên xizmetên ewlehiyê ji hêla efserên payebilind ên Partiya Demokrat ve ji bo ku li ser hesabê partiyên din deng bidin namzedên Partiya Demokrat, diguherin.

PUKMEDIA