Namzedên neserkeftî yên yekîtî pîrozbahiyê dikin û yên Partî jî xwepêşandan dikin

PUKMEDIA

Logoyên PDK û YNK

Di dîmenên dawî yên piştî ragihandina encamên destpêkê yên hilbijartinan û encamên dawî yên namzedan de, namzedên neserkeftî yên Yekîtiya Niştimanî ya Kurdistanê bo enc[mena n[neran bi rêya rûpelên xwe yên li ser torên civakî, ew serkeftina lîsteyên xwe û namzedên heval pîroz dikin, di demekê de ku namzedên neserkeftî yên Partiya Demokrata Kurdistanê li Badînanê bi xwepêşandan, nerazîbûn û astengkirina alîgirên xwe bersiva PDK û dezgehên hilbijartinê didin, ew ji encaman guman dikin.

Dr.Hêriş Resul, Dr. Bêstun Saburawayî, Dr. Şerîf Şahîd Rehîm, Dr. Narmîn Mairûf, Awdêr Mamoste Ezîz û hejmarek namzedên din ên neserkeftî yên Yekîtiya Niştimanî ya Kurdistanê pîrozbahî li namzedên serkeftî dikin, her weha li alîgir û tevahiya xelkê Kurdistanê kirin ku ew ê li her deverê ku lê bin bi heman coşê bixebitin û xizmetê bikin.
Di bersivê de, piştî ragihandina encamên destpêkê yên hilbijartinan û encamên dawî yên namzedan,Hejmarek eşîrên li herêma Badînanê, ku di lîsteya Partiya Demokrat a Kurdistanê (PDK) de ji bo hilbijartinên parlementoya Îraqê namzedên wan hebûn, li dijî neserketina namzedên xwe xwepêşandanek li dar xistin û çend rêyên li ser sînoran girtin.
Li gorî wan, namzedên wan dengên pêwîst bi dest xistine, lê PDKê wan bi namzedên neserkeftî nîşan daye.

Eşîra Goran, ku piştgirîya namzedê jimare 13 ê Partiya Demokrat a Kurdistanê kirin, ji ber neserkeftina namzedê xwe rêya di navbera navçeya Berdereş û navçeya Roviyayanê de girtin.

Di heman demê de, hejmareke mezin ji endamên eşîra Silêvane rêya di navbera Zaxo û Duhokê de girtin û gotin ku PDK xiyanet li eşîra wan kiriye û namzedê wan ê bi navê Dr. Şerzad Zekeriya Silêvanî bi ser ketiye, lê PDK namzedekî neserketî li şûna wî danî ye.

Eşîra Mosareşa ya li herêma Zaxoyê, mîna eşîrên Silêvanî û Goran, dest bi nerazîbûnê li dijî encamên hilbijartinê kirin ku ew bawer dikin namzedê wan xiyanet lê hatiye kirin, ji bo vê armancê wan rêya sereke ya Îbrahîm Xelîl girtin.


PUKMEDIA