Cemîl Rencber.. Stêrkek geş yê helbest û şoreşê

PUKMEDIA

Şehîd Cemîl Rencber

Helbestvan û Pêşmerge Cemîl Rencber, 45 sal berê di roja 18ê Mijdara 1980 an de, li nêzîkî gundê Pîrane Reş ya Pişdereyê, Çiyayê Kêwereş, şehîd bû.

Jiyannameya Cemîl Rencber:

Cemîl Rencber helbestvanekî Kurd yê wêrek û şoreşger bû ku tevahiya jiyana xwe ji bo xizmetkirina gel û welatê xwe terxan kir û cara dawî jî di sengerê berevaniya welat di qada şerê parastina welêt de ji aliyê Helîkopterên Beis de hat şehîdkirin.

Cemîl Salih Ezîz ku bi navê Cemîl Rencber jî naskirî ye, di sala 1947 an de li gundê Gomegru ya bajarokê Quştepe ji dayîk bûye.

Di sala 1957 an de ew bi malbata xwe re koçî Hewlêrê bûye.

Rencber qonaxên xwendina xwe temam kir û bû bi mamosta di nîvê salên 1960an de beşdarî jiyana siyasî bû, destpêkê beşdarî xebata Yekîtiya Xwendekarên Kurdistanê bû û piştre tevlî Partiya Demokrat a Kurdistanê (PDK) bû û di sala 1974an de bû Pêşmerge.

Ji destpêka damezrandina Komeleya Rencderan ya kurdistanê peywendî digel wê rêxistinê kir û ji ber xebatên xwe yên siyasî
gelek zehmetiyan kişand û ew çend caran ji aliyê dezgehên ewlehiyê ya rejîma Beis ve hat girtin û di dawiyê de di sala 1979 an de bi lêborînek e giştî hat azadkirin, û di heman salê de ew tevlî hêzên Pêşmergên Kurdistanê bû û yek ji kadroyên herî pêşketî, hişmend û çalak bû û berpirsê rêxistinên herêma Hewlêrê yên Yekîtiya Niştimanî ya Kurdistanê bû.

Ji bilî xebata xwe ya siyasî û Pêşmerge, Rencber ji destpêka salên 1960 an vir ve bi wêje û helbestê re eleqedar bûye piraniya helbestên Rencber dikevin xaneya wêjeya parastinê, ku wî ji zîndana Ebû Xerîb û çiyayên Kurdistanê nivîsandiye daku axê biparêze û xebata siyasî û Pêşmerge handan bike.

Di sala 1968an de, Rencber pirtûka xwe ya yekem ya helbestan, bi navê (Raz o Sikala), weşand.

Piştî şehadeta wî jî, Yekîtiya Nivîskarên Kurdistanê di sala 1981an de li çiyayan pirtûkek bi navê (Çemê Xwînavî) weşand.

Piştî serhildanê, malbata wî hemû helbestên wî di du cildan de çap kirin û mamosta Cewher Kurmancî çapa duyem jî weşand.
Silav û rêz û dilsozî ji bo giyanê mamosta, Pêşmerge û helbestvanê şehîd be.

PUKMEDIA