Wezîrê Jîngehê girîngiya hevkariyên navneteweyî ji bo parastina cureyên ajalan tekez kir

Malpera wezareta jîngehê

Hevdîtinên wezîrê jingehê

Dr. Helo El-Eskarî Wezîrê Jîngehê yê Îraqê, girîngiya xurtkirina hevkariyên navneteweyî bi rêxistinên pispor ên wekî sindoqa Navneteweyî ya ji bo Xweşiya Heywanan (IFAW) re tekez kir. Wî diyar kir ku ev hevkarî ji bo parastina cureyên di metirsiyê de û sînordarkirina bazirganiya wan a neqanûnî pir girîng e, û pabendbûna Îraqê ji bo bidestxistina armancên Peymana CITES tekez kir.

Ev yek di dema civînek di navbera Wezîrê Jîngehê û tîma IFAW de, bi serokatiya Dr. Bell Jason, Cîgirê Serokê Rêveber ê rêxistinê, li kêleka Konferansa Partiyên Peymana Bazirganiya Navneteweyî ya Cureyên di metirsiyê de (CITES CoP20) ku li Semerqend, Ozbekistanê pêk hat. Civîn li ser danasîn û danûstandina nêrînan li ser çarçoveyên hevkariyê di navbera Wezareta Jîngehê ya Îraqê û rêxistina navneteweyî de, piştgirîkirina hewldanên Îraqê ji bo parastina jiyana bejahî û bicîhanîna bendên Peymanê, sekinî.

Herdu aliyan li ser mekanîzmayên hevkariya pêşerojê di warên wekî çavdêriya cureyên di xetereyê de, pêşxistina bernameyên hişyariya civakê, û bicîhanîna projeyên jîngehî yên hevbeş ên ku beşdarî parastina jiyana bejahî ya Îraqê dibin, gotûbêj kirin.

Dr. Cabir El-Temîmî, Berpirsê Karûbarên Balyozxaneya Îraqê li Kazaxistanê, jî beşdarî civînê bû, û hevrêziya dîplomatîk ji bo piştgiriya beşdariya şandeya Îraqî di konferansa navneteweyî de nîşan da.

PUKMEDIA