Pizîşkên Bêsînor: Bi deh hezaran şêniyên Xezeyê hewceyê veguhastina bizîşkî ne

Ajans

Xeze

Berpirsekî Rêxistina Pizîşkên Bêsînor bang li welatan kir ku deriyên xwe ji bo deh hezaran xelkê Xezayê ku hewcedarê bipişkinîna pizîşkî ne vekin, û hişyarî da ku bi sedan kes li benda wê mirine.

Hanî Îslîm, ku veguhastina nexweşan ji Xezayê bo rêxistinê hevrêz dike, got ku hejmara nexweşên ku heta niha ji hêla welatan ve hatine qebûlkirin "tenê dilopek di deryayê de ye."

Rêxistina Tenduristiyê ya Cîhanê texmîn dike ku ji destpêka şer ve zêdetirî 8,000 nexweş ji Xezayê hatine veguhastin, di heman demê de zêdetirî 16,500 hîn jî li derveyî axa Filistînê hewceyê dermankirinê ne.

Îslîm, piştî ku zarokên bi giranî nexweş ji Xezayê ji bo dermankirinê birin Swîsreyê, li baregeha rêxistinê li Cinêfê axivî û got ku ev hejmar tenê yên nexweşên ku xwe tomar kirine ye û ku hejmara rastîn pir zêdetir e.
Wî zêde kir: "Texmîna me ev e ku hejmar sê heta çar caran zêdetir e.

Heta niha, zêdetirî 30 welatan nexweşên ji Xezayê qebûl kirine, lê tenê çend welatan bi rastî ev kirine. Li Ewropayê, Îtalyayê zêdetirî 200 nexweş wergirtine, lê welatên mezin ên wekî Fransa û Almanya heta niha tu nexweş negirtine.

PUKMEDIA