Îro biryar li ser posta cîgirê duyemîn ê serokê Encûmena Nûneran tê dayîn

Ragihandina Encûmena Nûnerên Îraqê

Encumena Nûneran

Parlamentoya Îraqê biryar dide ku îro civîna xwe bidomîne da ku di gera sêyemîn a dengdanê de li ser posta cîgirê duyemîn ê serokê encûmenê biryar bide.

Parlamentoya Îraqê îro dê ji bo biryardana li ser posta cîgirê duyemîn civînekê li dar bixe, Ev piştî wê yekê tê ku şeva borî ne Rêbwar Kerîm, namzedê Tevgera Halwest, û ne Şaxawan Abdulah namzedê Partî di gera yekem û duyem a dengdanê de dengên têr bi dest bixin, ku pêwîst bû ji bo wergirtina postê pirtirîn deng bihênin ku 166 denge û nîvê hejmara giştî ya dengên parlementeran e, bi dest bixin.
Di gera yekê a dengdanê de Rêbwar Kerîm 153 deng û Şaxawan Abdullah 119 deng wergirtin. Di heman demê de, di gera duyem de, Rêbwar Kerîm 156 deng û Şaxawan Abdullah 102 deng wergirtin û 22 deng nederbasdar bûn.

Rûniştina yekem a gera şeşemîn a parlamenê Îaqê bi beşdarbûna 306 endaman pêk hat. Heybet Helbusî, namzedê Partiya Teqadum, bi destanîna 208 dengan wekî serokê parlementoya Îraqê û Ednan Feyhan, namzedê Çarçoveya Hemahengiya Şîeyan jî, bi 177 dengan wekî cîgirê yekem ê serokê parlementoyê hatin hilobijartin.

PUKMEDIA