Kerwan Yarwês: Di nav Kurdan de posta serokatiya komarê para Yekîtî ye

PUKMEDIA

parlementarê berê Kerwan Yarwês

Dema sê rojê ku Encûmena Nûneran a Îraqê ji bo hilbijartina namzedê serokatiya komarê diyar kiribû îro Duşemê 5/1/2026 bidawî dibe, Hêzên Siyasî Îraqî li benda lihevkirina aliyên Kurdî li ser namzedê Yekîtiya Niştimanî ya kurdistanê ne, Ev post wek kevneşopiyeke siyasî, ji dema rûxana Rêjîma Beis ve ji pişka kurd e pişka YNK ..

Di wê derbarê de parlementarê berê Kerwan Yarwês ji PUKMEDI Are ragihand:  Divê Kurd vê peymana siyasî biparêzin, ku li gorî wê sê serokatî hatine dabeşkirin di navbera Kurd, Şîe û Suniyan de ji aliyê pêkhateyên din de, ji ber ku ew bingeha prensîba lihevkirinê li Îraqê ye.
Kerwan Yarwê got jî: Garantiya mafên destûrî yên Kurdan bi yekîtiya navxweyî û lihevkirinê bi Şîe û Suniyan re tê bidestxistin. Divê Yekîtiya Niştimanî ya Kurdistanê û Partiya Demokrat a Kurdistanê di heyama kurt a mayî de li ser namzedê ji bo posta Serokê Komarê li hev bikin û bi yek namzed biçin Encûmena Nûneran. Tekez kir ku ev yek rê li ber çareserkirina astengiya di avakirina hikûmeta herêmê de, û çalakkirina Parlamentoya Kurdistanê vedike, her weha bidawîanîna astengiya siyasî ku ji hilbijartinên Parlamentoya Kurdistanê yên zêdetirî salek berê ve berdewam dike.

Piştî hilbijartina Serokatiya Parlamentoya Îraqê di 30/12/2025an de, Serokê Parlamentoyê Heybet Helbûsî vekirina derî li ber namzedkirinê ji bo posta Serokkomariyê ji bo 3 rojan vekir di rojên (Çarşem, Yekşem, Duşem) de ku bi 31/12/2025 û 04/01/2026 re têkildar in, ragihand.

PUKMEDIA