Hêzên Ewlehiyê yên Helebê: Şam ji bo êrîşeke berfirehtir amadekariyan dike

PUKMEDIA

Heleb

Nûçeyên agirbestê ne rastin û Şam ji bo êrîşeke berfirehtir amadekariyan dike.
Ev daxuyanî ye:

Hêzên me tekez dikin nûçeyên derbarê arambûna rewş li herdu taxên Helebê hatine belav kirin ne rastin, di çarçoveya xapandina raya giştî de têne belavkirin, û ragihand: Bi armanca kêmkirina bertekan û veşartina sucên ku çeteyên hikumeta demkî ya Sûriyeyê yên li ser taxên Şêxmeqsûd, Eşrefiyê û Benî Zêd ne.
Di dewama daxuyaniyê de hate ragihandin ku tevahî hewldanên aramkirinê têk çûn, sedema vê yekê ew e ku çete di rageşiya leşkerî de bi israr in.destnîşan jî kir ku êrîş û tevgera dronan li ser taxên şêniyan dewam dikin û amadekariyên êrişên berfirehtir di demjimêrên pêş de têne kirin.
Êrîşkeran bi tank û panzêran 4 êriş li pey hev pêk anîn û Hêzên Ewlekariya Hundirîn bi palpiştê şêniyên ku malên xwe diparêzin bersiv dan, ku bergirî li jiyan û hebûna xwe dikinli hember van êrîşan ku rasterast sivîlan armanc digre.


Şêniyên Şêxmeqsûd û Eşrefiyê bi malên xwe ve girêdayî ne û hemû cûreyên koçberiya bi darê zorê red dikin. piştî ezmûnên tal ên ku wan berê di destê rejîma Baasê de kişandine. Her wiha ew tekez dikin ku îradeya berxwedanê ji siyaseta topbaran, dorpêçkirin û gefxwarina bi zorê xurttir e.
Hewldanên ji bo ferzkirina rastiyek leşkerî ya nû bi rêya xapandina şaş a medyayê û bilindkirina rageşiyên meydanî dê bê ceza nemînin, Aliyê êrîşkar berpirsiyariya tevahî ya her encamên metirsîdar ên ku ji ber berdewamiya vê rêbaza dijminane çêdibin ew jê berpirsyarin.

Navenda Medyayê ya Hêzên Ewlekariya Hundirîn a Helebê

PUKMEDIA