Serokkomarê derbarê şerê li Helebê banga vegera ser maseyê û rawestana pevçûnê kir

PUKMEDIA

Serok Komar

Serok komar Dr. Ebduletîf Cemal Reşîd derbarê aloziyên li bajarê Helebê yê Sûriyeyê de daxuyaniyek da û bang li hemû aliyan kir ku xwe ragirin û vegerin diyelogê.

Ev naveroka daxuyanî ye:
Em bi ne rihetiyeke mezin alozî û tundûtûjiya li bajarê Helebê yê Sûriyeyê dişopînin.

Em bang li hemû aliyan dikin ku xwe ragirin, vegerin ser maseya danûstandinan û pirsgirêkan bi awayekî aştiyane çareser bikin. Em ji wan dixwazin ku xwe ji tundûtûjiyê dûr bigirin û ji bo bidawîkirina pevçûnên ku xizmeta berjewendiyên kesî nakin bixebitin. Em piştgiriya xwe ya tevahî ji bo çareseriyên aştiyane yên ku prensîbên jiyana hevbeş û qebûlkirina dliyê din diparêzin, diyar dikin. Em tekez dikin ku hemû pêkhateyên gelê Sûriyeyê bi hev ve girêdayî ne, û divê aştî û diyalog tenê vebijarka çareserkirina pirsgirêkan di vê rewşê de be, ku dê tenê bibe sedema qurbaniyên sivîl .

Em piştgiriyê didin hemû hewldanên ku armanc dikin kêmkirina aloziyan û bidestxistina aştî û aramiya mayînde li herêmê.

Dr. Ebduletîf Cemal Reşîd
Serok Komarê Îraqê

8/1/2026

PUKMEDIA