Mazlûm Ebdî: Em bi hemû aliyan re dixebitin ku êrîşan rawestînin

PUKMEDIA

Mazlûm Ebdî

Fermandarê Hêzên Sûryeya Demokrat Mazlûm Ebdî belavokek derbarê pevçşûnên li herdu taxên Helebê belav kir.

Di belavokê de wiha hate gotin: Berdewamiya rêbaza şer û zimanê şer ji bo ferzkirina çareseriyên yekalî mijareke ku nayê qebûlkirin û berê li peravên Sûriyeyê û Suweydayê bûye sedema komkujiyên ku digihîjin sûcên şer.

Bicihkirina tank û topan li taxên Helebê, topbarankirin û koçberkirina sivîlên bêçek, û hewldana êrîşkirina ser taxên Kurdan di dema pêvajoya danûstandinan de derfetên gihîştina lihevkirinan têk dibe, rewş ji bo guhertinên demografîk ên metirsîdar diafirîne, û sivîlên ku di her du taxan de asê mane dixe metirsiya komkujiyan.
 Dema ku em li kêleka gelê xwe li Şêx Meqsûd û Eşrefiyê radiwestin, ev çend rojin em bi hemî aliyan re dixebitin da ku van êrîşan rawestînin.
Em sersaxiyên xwe yên kûr û hevxemiya xwe ji malbatên şehîdan re dixwazin û ji bo başbûna bilez a birîndaran dua dikin.

PUKMEDIA