Civata taxên Şêxmeqsûd û Eşrefiyê:Em radest nabin,berxwedan jî berdewam e

AJANS

Kongreya Rojnamevanî ya Civata Gel ya taxên Şêxmeqsûd û Eşrefiyê

Civata Gel ya taxên Şêxmeqsûd û Eşrefiyê di daxuyaniyekê de ragihand ku radestbûn û komkujî li ser taxên wan tê sepandin, lê ew vê pesend nakin û me biryar dane ku digel û hêzên xwe li taxên xwe biparêzin.

Me biryar daye ku digel û hêzên me taxên xwe biparêzin

Di daxuyaniyê de hatiye: Ji 6'ê roja Çileya 2026'an û vir ve li ser herdu taxan êrişeke bi çekên giran û bombardûmaneke dijwar heye ku di van êrişan de mizgeft, xwngeh, nexweşxane, malên sivîlan û saziyên xizmetguzariyê bi temamî hatin armancgirtin,gelê me û hêzên me yên asayîşê li dijî van êrişan berxwedaneke mezin nîşan dide.

Em bêdengiya hêzên navneteweyî bi tundî şermezar dikin

Civata Gel ya taxên Şêxmeqsûd û Eşrefiyê diyar kir ku hikumeta veguhêz a Şamê van êrişan di bin navê 'Artêşa Sûriyê ya Nû' de bi piştgiriya dewleta Turk û çeteyên wê pêk tîne û got: Em bêdengiya hêzên navneteweyî yên ku ji bo hevpeymana 10 Adarê û 1'ê Nîsanê weke garantor û çavdêr amade bûn jî bi tundî şermezar dikin.

Civata Gel ya taxên Şêxmeqsûd û Eşrefiyê banga ku hêzên hikûmeta demkî ya Şamê ji bo gel û hêzên me yên asayîşê dikin, sepandina radestbûnê lê gelê me yê van taxan ji bo li taxên xwe bimîne û parastina taxên xwe bike, bi biryare.

Divê gelê me xwedî li birîndarên xwe derkevin

Herî dawî jî em bang li gelê xwe yê Şêxmeqsûd û Eşrefiyê dikin ku berê xwe bidin misteşfa Xalid Fecir ku li birîndarên xwe xwedî derkevin û ji bo parastina taxên xwe seferber bibin.