Mezlûm Ebdî: Ji bo agirbestê li Helebê em gihîştin lihevkirinekê

PUKMEDIA

Mazlûm Ebdî fermandarê Hêzên HSD

Hêzên Sûriya Demokratîk (HSD) roja Yekşemê piştî çend rojan ji pevçûnan bi artêşa Sûriyeyê re, vekişîna şervanên xwe ji taxên Eşrefiye û Şêx Meqsûd ên Helebê ragihand.

Fermandarê Giştî yê (HSD) Mezlûm Ebdî bi rêya platforma "X" diyar kir: Bi navbeynkariya navneteweyî ji bo rawestandina êrîş û binpêkirinên li dijî gelê me li Helebê, me lihevkirinek çêkir ku rê li ber agirbestekê vedike û misogerkirina veguheztina ewle ya şehîdan, birîndaran, sivîlên asê mayî û şervanan ji taxên Eşrefiye û Şêx Meqsûd ber bi bakur û rojhilatê Sûriyeyê ve dike.

Got jî: Em bang li navbeynkaran dikin ku bi sozên xwe yên rawestandina binpêkirinan û ji bo vegera ewle ya koçberan bo malên xwe pabend bin.

Em rêz ji bo berxwedêrên Şêx Meqsûd û Eşrefiyê, şehîdên wan, hevalên wan, malbatên wan û sivîlên ku li ber xwe dane digrin, Em sersaxiyê ji xwe, her wiha ji malbatên şehîdan û gelê me re dixwazin û ji bo birîndaran jî cansaxî û selametî ya bilez dixwazin.

PUKMEDIA