Serok Bafil tekez li ser domandina diyaloga neteweyî di navbera partiyên siyasî de kir

Nivîsgeha rojnamevanî yê serokê YNK

serok Bafil û Emar Hekîm

Li Bexdadê, Serokê Yekîtiya Niştimanî ya Kurdistanê (YNK) Birêz Bafil Celal Talebanî bi Serokê Rewta Hîkme Emar El-Hekîm re civiya.

Di civînê de, ku Cîgirê Serokê YNKê Rifat Abdulah, Endamê Mekteba Siyasî Derbaz Kosret Resûl û Wezîrê Dadê yê Îraqê Xalid Şawanî jî beşdar bûn, gotûbêj li ser gavên avakirina hikûmeta nû ya Îraqê hatin kirin. Her du aliyan girîngiya temamkirina rêkerên yasayî û destûrî di çarçoveya dema diyarkirî de tekez kirin.

Serok Bafil Celal Talebanî tekezî li ser pêwîstiya berdewamiya diyaloga neteweyî di navbera partiyên siyasî de kir û got: "YNK li gorî stratejiya Serok Mam Celal dixebite da ku ruhê hevkariyê û hevgirtinê xurt bike û xizmetên zêdetir pêşkêşî welatiyên me yên hêja bike."

PUKMEDIA