Rêveberiya Xweser serferberiya giştî ragihand

PUKMEDIA

Rêveberiya Xweser

Rêveberiya Xweser li dijî êrişên komên çete yên li ser herêmê seferberiya giştî ragihand û ragihand " Tev li cenga parastina rûmetê bibe."
Rêveberiya Xweseriya Demokratîk a Bakur û Rojhilatê Sûriyeyê li dijî êrişên çeteyên hikûmeta demkî ya Sûriyeyê li ser herêmê daxuyaniyek weşand.
Daxuyanî wiha ye:

Komên girêdayî hikûmeta demkî ya Şamê ku peyman binpê kiriye, ji duh sibeha heya wiha ji gelek aliyan ve êrişî hêzên me dikin. Tevî hemû hewldanên dîtina çareseriyên aştiyane û vekişîna ji hin deveran, lê Şamê li ser şer û vebijêrka leşkerî rijde.
Daxuyaniyê rave kir ku "berdewamiya van êrîşan israra Şamê li ser vebijarka bilindkirina leşkerî nîşan dide, û hişyarî da ku armanca wan têkbirina rewşa biratiyê di navbera pêkhateyên bakur û rojhilatê Sûriyeyê de, handana serhildan û tundûtûjiyê, hedefgirtina pêkhateyên resen, û ferzkirina yek reng li ser hesabê pirrengiya li herêmê ye.

Daxuyaniyê destnîşan kir ku qonaxa niha pir girîng e, û tiştê ku diqewime şerê hebûnê ye û gefê li destkeftiyên şoreşê û nasnameya civakî dixwe. Bang li seferberî û hevgirtina gel kir ji bo parastina bajaran û parastina rûmetê.
Daxuyaniyê her wiha bang li piştgiriya seferberiya giştî ya ku ji hêla Rêveberiya Xweser ve hatiye ragihandin kir û tekez li ser pêwîstiya sekinandina li kêleka Hêzên Sûriya Demokratîk û Yekîneyên Parastina Jinan kir, tekezî li ser berxwedana gel kir ku vebijarka sereke ye di rûbirûbûna êrîşên berdewam de.
Daxuyaniyê bi tekez kirina girîngiya amadekariya giştî û yekîtiya di navbera hemî beşên civakê de li hember pêşketinên heyî yên li ser erdê bi dawî bû.

PUKMEDIA