HSD: Em li çend bajarokan bi çekdarên Şamê re di pevçûnan de ne

PUKMEDIA

Logoya HSD

Hêzên Sûriya Demokratîk (HSD) roja Yekşemê ragihand ku ew li gelek bajarokan li dijî çekdarên Hikûmeta Demkî ya Sûriyê di pevçûnan de ne. Di daxuyaniyekê de HSD got: Komên girêdayî hikûmeta Şamê êrîşî çeperên me yên li bajarokên Giranîç, Ebû Hemam, Keşkiye, Zîban û Teyanekirin dikin, ku bû sedema pevçûnên dijwar di navbera hêzên me û van aliyan de, ku hîn jî berdewam dikin.

Daxuyaniyê zêde kir: Hêzên me niha li bajarokê El-Mansûra li dijî çekdarên ser bi hikûmrta Şamê di pevçûnên dijwar de ne, wekî beşek ji hewldanên me ji bo paşvekişandina êrîşan û parastina nîştecihên sivîl.

HSD her wiha diyar kir: Hêzên me sê kes girtin ku hewl dan bi gulebarankirina malên sivîlan li bajarê Tebqayê nearamiyê gur bikin û ewlehiyê têk bibin. Hêzên me tedbîrên pêwîst girtin û ewlehî û aramiya bajêr vegerandin.

PUKMEDIA