QSD: Şer û pevçûnên dijwar li Eyn Îsa û Şedadiyê, gefê li ser girtiyên DAIŞê tê hene

Logoya HSD

Rojava

Navenda Medyayê ya Hêzên Sûriya Demokratîk (QSD) ragihand ku li deverên Eyn Îsa, Şedadiyê û Reqayê aloziyên ewlehiyê zêde dibin, û piştrast kir ku tevî peymana agirbestê ya ragihandî, di navbera hêzên wê û komên girêdayî hikûmeta Sûriyeyê de pevçûnên dijwar diqewimin.

Di daxuyaniyekê de ku ji hêla PUKMEDIA ve hatî wergirtin, QSD rave kir ku "komên êrîşkar êrîşên xwe li ser çeperên QSD li wan deveran didomînin", û destnîşan kir ku pevçûnên dijwar li dora zindana el-Eqtan li Reqayê, ku girtiyên DAIŞê tê de ne diqewimin û rewşê wekî pêşkeftinek pir metorsîdar bi nav kir.

QSD hişyarî da li ser gefên ewlehiyê yên zêde dibin, ji ber hewldanên van koman ji bo gihîştina zindanê û girtina wê,ku ev yek metirsiyeke mezin û lihevketin û terorê bi xwe re tîne.

Di dawiyê de daxuyaniyê wiha got HSD aliyên êrîşkar ji her encamên karesat ên ku dibe ku ji berdewamiya van êrîşan derkevin holê bi tevahî berpirsyar dibîne, û bang li raya giştî dike ku berpirsiyariyên xwe yên derbarê tiştên ku diqewimin de hilgire.

PUKMEDIA