Kobanê di bin dorpêçê de ye... Metirsiya komkujiyên û karesateke mirovî heye

PUKMEDIA

Kobanê

Çavdêriya Mafên Mirovan a Sûriyê (SOHR)ragihand ku bajarê Kobanê li Rojavayê Kurdistanê di bin dorpêçeke dijwar de ye û şervanên hikûmeta Sûriyê ji her alî ve êrîşî bajêr dikin, jiyana bi deh hezaran sivîlan dixe metirsiyê.

Çavdêriya Mafên Mirovan a Sûriyê (SOHR) ragihand: Bajarê Kobanê ji aliyê çekdaran ve di bin dorpêçê de ye û înternêt û ragihandin bi tevahî li bajêr qut bûne, ku ev yek metirsiya qirkirinê zêde dike, ku ji ber nebûna înternetê tomar kirina binpêkirinan dijwar dike.Amaje bi wê jî kir ku Rewşa mirovî bi lez xirab dibe, Ji ber kêmbûna xwarin û pêdiviyên bijîşkî, ji destpêka şer ve elektrîk û av qut bûne.

Sivîlên li Kobanê bang li aliyên peywendîdar û rêxistinên navneteweyî dikin ku tavilê mudaxele bikin da ku êrîşan rawestînin, peymana agirbestê bicîh bînin û parastineke rastîn ji bo sivîlan peyda bikin berî ku pir dereng be.

Di dawiyê de, Çavdêriya Mafên Mirovan a Sûriyê hişyarî dide encamên mirovî yên van pêşketinan û bang li hemî aliyan dike ku tavilê xizmetên bingehîn vegerînin û sivîlan ji her pevçûnê biparêzin.

PUKMEDIA