Rêberê Elewiyan ê Sûriyê: Destbest nemînin piştgiriyê bidin birayên Kurd

PUKMEDIA

Şêxê Elawiyan

Şêx Gezal Gezal, Serokê Encûmena Bilind a Îslamî ya Elewiyan li Sûriyê, di peyamekê de daxwaz ji Elewiyên Sûriyê û cîhanê dike ku destebest nebin û piştgiriya birayên Kurd bikin. Her wiha tekez dike ku bi êrîşa ser Kurdan, dawiya me jî tê û Sûriye ji bo her kesî dibe tirsunek.

Şêx Gezal Gezal di peyama xwe de bal kişandiye ser wê yekê ku: Şerê komkujkirina Kurdan ji aliyê çekdarên hikûmeta Sûriyê ve karesatbar e, rûdanên karesatbar ên herêmên peravê û Siweydayê yên li dijî Dûrziyên me bi bîra me dixe.
Her di peyama xwe de daxwaz ji Elewiyên li Sûriyê û hemû cîhanê dike ku li hember tiştê li dijî Kurdan tê meşandin bêdeng nemînin, çunke heger xwedê neke hêzên Sûriyê bi ser bikevin, wê demê dawiya me jî li ser destê wan dibe.
Rêberê Elewiyan zelal jî kiriye: Bi serkeftina komên çekdar, tu rûmet û hurmet ji bo Elewiyan namîne û çarenivîsa ciwanên me wê ne diyar be û em ê bi temamî lawaz bibin. Bi vê yekê jî Sûriye ji bo pêkhateyên wî welatî dibe kabûs.
Di dawiyê de jî, rêberê Elewiyan tekez kiriye ku divê her kes kiryarên komên çekdar red bike û bi xwepêşandanên aştiyane piştgirî bidin birayên Kurd. Wek ku berê û niha jî dibêjim, daxwaza me federalî ye.


PUKMEDIA