Silêmanî: Kampîna komkirina derman û pêdiviyên bijîşkî ji bo alîkariya rojavayê Kurdistanê

PUKMEDIA

Kongireya Rojnamevanî Hewjîn Osman, serokê şaxê Silêmaniyê yê Sendîkaya Pîşeyên Tenduristiyê ya Kurdistanê

Neh rêxistin û komeleyên tenduristiyê îro Duşemê 26ê Çileya 2026an, li Silêmaniyê destpêkirina kampîneke ji bo berhevkirina derman û pêdiviyên bijîşkî ji bo alîkariya welatiyên Kurd li Sûriye û Rojavayê Kurdistanê ragihandin. Endamekî Parlamentoya Kurdistanê ji fireksiyona Yekîtiya Niştimanî ya Kurdistanê (YNK) jî ji bo heman armancê 10 ton derman û pêdiviyên bijîşkî kom kir.

Hewjîn Osman, serokê şaxê Silêmaniyê yê Sendîkaya Pîşeyên Tenduristiyê ya Kurdistanê, di civîneke çapemeniyê de diyar kir: Me bi beşdariya neh komele û rêxistinên tenduristiyê kampînek ji bo berhevkirina derman û pêdiviyên bijîşkî ji bo alîkariya gelê me li Rojavayê Kurdistanê lidar xist.

Osman zêde kir: Duh me bi nûnerên Rêveberiya Xweser a li Rojavayê Kurdistanê, wekîlê wezareta Tenduristiyê û aliyên din ên têkildar re civiya û me biryar da ku em vê kampînê ji bo piştgiriya xwişk û birayên xwe yên li Rojava lidar bixin.Amaje bi wê yekê jî kir ku kampîn wê hefteyekê dewam bike, û alîkarî dê bi komî ji wir re were şandin.
 Wî şîrove kir ku "Dr. Rêkewt Heme Reşîd, endamekî Parlamentoya Kurdistanê ji fireksiyona Yekîtiya Niştimanî, bi tena serê xwe 10 ton derman û pêdiviyên bijîşkî ji bo vê kampînê berhev kir.

PUKMEDIA