Raporteke belgekirina tawanên li dijî welatiyên Kurd li rojavayê Kurdistanê

PUKMEDIA

Sûriyê

Rojnamevanên Kurd li Rojavayê Kurdistanê raporek li ser binpêkirinên ku ji hêla artêşa Sûriyeyê ve li dijî sivîlan li deverên Şêx Meqsûd, Eşrefiye, Tebqa, Reqa, Dêra Zorê, gundewarê başûrê Hesekê û Helebê hatine kirin, weşandin.

Raport binpêkirin û sûcên ku li dijî sivîlan, şervanên Hêzên Demokratîk ên Sûriyeyê û endamên Hêzên Ewlekariya Navxweyî, ji bilî rewşên ne diyarbûna bi zorê hatine kirin, belge dike. Hin ji binpêkirinên ku di raporê de cih digirin ev in:

* Di 6ê Çileya 2026an de, artêşa Sûriyeyê êrîşî bêserûber li taxên Şêx Meqsûd û Eşrefiyeyê kirin, ku di encamê de şeş kes hatin kuştin.

* Di 8ê Çileya 2026an de, xortê bi navê Osman Îbrahîm Misrî bi gulebarana girûpên artêşa Sûriyeyê hate kuştin.

* Di 8ê Çileya 2026an de, artêşa Sûriyeyê li gundê Şûtka (Efrîn) malbatek armanc girtin û tevahiya malbatê kuştin.

* Di 9ê Çileya 2026an de: Hikmet Îsmaîl Taşo (21 salî) li taxa Şêx Meqsûd di encama topbarana bêserûber a hêzên artêşa Sûriyeyê de hat kuştin.

* Welatiyekî Kurd ê pîr ji ber nasnameya wî ya siyasî ji aliyê girûpên bi ser artêşê ve hat kuştin.

* Topbarana dijwar a di 6ê Çileya 2026an de bû sedema birîndarbûna 52 sivîlan û talan kirina bi dehan malan.

* Binpêkirina pîroziyên cenazeyan 10/1/2026: Belgekirina avêtina termê şehîd DenîzÇiya ji balekonê û binpêkirina hurmeta wî .

* Kuştina meydanî: Belgekirina kuştina çar birayên sivîl li taxa Eşrefiyê

* Komkujiya Şêx Meqsûd: Kuştina 13 sivîlan di 10ê Çileya 2026an de, belgekirina serjêkirin û û jêkirina endamên mirovan.

* Girtiyên Şer: Belgekirina rezîlkirina keçên Kurd di dema girtina wan de di 8ê Çileya 2026an de.

* Oparesyonên pelçiqandin ş civlandina şervanan: Vîdyo nîşan dide ku şervanên Kurd ji hêla otombêlên leşkerî ve têne pelçiqandin.

* Şikandina Goran: Endamek bi navê Ramî Yûsif el-Deheş keziya şervana kurd jêkir, û êrîşek din jî li ser gorên şervanan li Şedadiyê kir.

 * DAIŞ û Artêşa Sûriyeyê: Belgekirina bilindkirina alayên DAÎŞê û hawarkirina sirûdên wan piştî ku bi cilên artêşê ketin Reqayê.

کلیک لێرە بکە

PUKMEDIA