Di navbera Sûriyê û HSD de lihevkirin çêbû

PUKMEDIA

Alayên HSD û Sûriyê

Hêzên Sûriya Demokratîk (HSD) hûrguliyên rêkeftina ku bi Hikûmeta Demkî ya Sûriyeyê re hatiye kirin eşkere kirin. Rêkeftin vekişîna hêzên leşkerî ji xalên têkiliyê û avakirina çar lîwayan dihewîne, sê li herêma Cezîrê û yek li Kobanê.

Daxuyaniyek ji aliyê Navenda Medyayê ya HSD ve hatiye weşandin û ji aliyê PUKMEDIA ve hatiye nirxandin, wiha dibêje: Li ser bingeha peymana giştî, li ser agirbestê di navbera herdu aliyan de lihev kirin. Di gel têghîştina li ser tevlîbûna li pey hev a hêzên leşkerî û rêveberê di navbera herdu aliyan de.

Daxuyaniyê zêde kir ku rêkeftin "vekişîna hêzên leşkerî ji xalên pevçûnê, ketina hêzên ewlehiyê yên girêdayî Wezareta Karên Hundir nav navendên bajarên Heseke û Qamîşloyê, destpêkirina operasyona tevlîbûnê hêzên ewlehiyê li navçeyê, û avakirina firqeyek leşkerî ku ji sê tugayan ji Hêzên Sûriya Demokratîk pêk tê, ji bilî avakirina tugayek ji bo hêzên Kobanê di nav firqeyek girêdayî Parêzgeha Helebê de" dihewîne.

Li gorî daxuyaniyê, peyman her wiha "Tevlîbûna saziyên Rêveberiya Xweser di nav saziyên dewleta Sûriyeyê de, bi hêştina karmendên sivîl, dihewîne. Her wiha, li ser çareserkirina mafên sivîl û perwerdehî yên gelê Kurd û garantîkirina vegera koçberan bo deverên wan lihevkirinek hat kirin.
QSD di dawiya daxuyaniya xwe de piştrast kir ku peyman "armanca yekgirtina axa Sûriyeyê û bi xurtkirina hevkariya di navbera aliyên peywendîdar û yekkirina hewildanên ji bo ji nû ve avakirina welêt e.

PUKMEDIA