Şandek ji Wezareta Navxwe ya Sûriyê ber bi Qamîşlo ve çû

PUKMEDIA

Dîmenê îro li Qamîşlo

Li bajarê Qamîşlo qedexeya derketina derve heye û hêzên hikûmeta Sûriyê amadekariyên ketina bajêr dikin, ku nêzîkî 150 endamên wê hene.

Rêveberiya Ragihandina Hesekê ragihand ku şandeke Wezareta Navxwe ya Sûriyê, ku ji berdevkê wezaretê Nûredîn Baba û fermandarê hêzên asayîşa Şamê Merwan Elî pêk dihat, ji bajarokê Şedadiyê ber bi Qamîşlî ve çûn, û li bajêr amadekarî ji bo hatina wê hêzê dikin.

Çûna Şandeke Wezareta Navxweyî ya Sûriyê ber bi bajarê Qamîşlo, ji bo cîbicîkirina rêkeftina di navbera Hêzên Sûriye Demokratîk (HSD) û hikûmeta demkî ya Sûriyê de ye.

Di çarçoveya rêkeftina di navbera Hêzên Sûriye Demokratîk (HSD) û hikûmeta Sûriyê qedexeya hatûçûnê li Qamişlo hat ragihandin û duh jî şandek ya ewlekariya Sûriyê de serdana Hesekê kir.

Hêzên Asayîşa Navxwe ya Cezîrê di daxuyaniyekê de ragihand ku,dema ku hêzên me erkê xwe  ji bo hatina Hêzên Navxwe ya girêdayî Hikûmeta Sûriyê bo bajarê Hesekê cî bi cî dikir,ji bo pêkanîna peymana di navbera Şam û Hêzên Sûriya Demokratîk de ew Karwan ji aliyê şaneyên terrorist ve hat gulebaranh kirin bi armanca têkdana aramiya ewlehî û dirustkirin tevlîheviyan li herêmê ye.

Her weha amaje bi wê yekê kir ku yekser hêzên me bersiva çavkaniya teqekirinê dan û di encama operasyona geran û pişkinînê de me dikarî hejmarek ji endamên wê şaneya terorîstî desteser bikin.

Ev yek di demekê de ye ku, roja 30 Kanuna Duyem ya sala 2026 an, Hêzên Sûriye Demokratîk (HSD) naveroka rêkeftinekê bi hikûmeta demkî ya Sûriyê re eşkere kir ku digel Artêşa Sûriyê rêkeftibûn û qonax bi qonax hêzên wan digel Artêşa Sûriyê tên rêkxistin.

PUKMEDIA

.