Êşên Kobaniyan zêdetir dibin bi nebûna xizmetguzariyan ji ber dorpêçê

PUKMEDIA

Kobanê

Bajarê Kobanê niha di qonqxa herî dijwar de ye, ev kete sê hefteyan ku bajarê dorpêç kiriye, rewşa jiyanî û tenduristî zor zeehmete ku jiyana bi hezaran welatiyên sivîl xistiye metirsiyê, di nav bêdengiya navneteweyî û qedexeyên berdewam de ku rê li ber gihîştina alîkariya mirovî digirin.

Dorpêçkirina Kobanê di roja xwe ya 16 de berdewam dike, komên girêdayî Hikûmeta Demkî ya Sûriyeyê zext û dorpêçên li dora bajêr teng kirine, tenê pêdiviyên sereke yên jiyanî û tenduristî  hema hema nemaye.
Kobanê ji kêmbûna xizmetguzariyê bi taybetî ji bo nexweşiyên herdemî, zehmetiyê dikişîne. Krîz ji ber kêmbûna şêrê zarokan û nebûna sebze û xwarinên din ji bazaran girantir dibe. Qutbûna elektrîkê beşên nexweşxaneyan seqet kiriye, di heman demê de kêmbûna sotemeniyê zehmetiyên ku zêdetirî 600,000 kes pê re rû bi rû dimînin hîn zêdetir kiriye. Tevî rêkeftina di navbera Hêzên Demokratîk ên Sûriyeyê û hikûmeta demkî de ku di 30ê Çile de hat kirin û tê de rakirina dorpêça li ser bajêr hat destnîşankirin jî, dorpêç berdewam dike.

Bi heman awayî, dewleta Tirkiyeyê di çar rojên dawî de rê li ber ketina alîkariyên ku ji hêla gelê bakurê Kurdistanê ve hatine berhevkirin bo Kobaniyê digire, krîza mirovî girantir kiriye û êşa xelkê dorpêçkirî zêde kiriye.

PUKMEDIA