Dr. Yad Neqşbendî: Di îsal de 478 rewşên nû yên penceşêrê hatine tomar kirin

PUKMEDIA

Dr.Yad Neqşbendî

Rêveberê Giştî yê Nexweşxaneya Hîwa di Roja Cîhanî ya Penceşêrê de ragihand: Di meha çile ya îsal de 478 rewşên nû yên penceşêrê hatine tomarkirin ku 285 ji wan di beşa nexweşiyên xwînê yên ne-penceşêrî de hatine tespîtkirin.

Dr. Yad Neqişbendî, Rêveberê Giştî yê Nexweşxaneya Hîwa, di konferanseke rojnamevaniyê de ragihand: Di meha çile ya îsal de 478 rewşên nû yên penceşêrê hatine tomarkirin ku 285 ji wan di beşa nexweşiyên xwînê yên ne-penceşêrî de hatine tespîtkirin.

Her wiha diyar kir: Di niha de avahiya me ne li gorî şayesteya nexweşên me ye û tu baxçe û parkek tê de nîn in. Lewma daxwaz dikim ku Wezareta Tenduristiyê û Encumena Wezîran di îsal de biryara avakirina Nexweşxaneya Hîwa ya Mezin bidin û kevirê bingeha wê deynin. Di heman demê de, pêdiviya me bi vekirina navendeke tespîtkirina nexweşiya penceşêrê heye da ku em nexweşiyê di qonaxeke destpêkê de nas bikin, bi vî awayî dermankirin û başbûna nexweşan hêsantir dibe. Ez hêvî dikim ku her du projeyên me di zûtirîn dem de werin cîbicîkirin.

Rêveberê Giştî yê Nexweşxaneya Hîwa spasiya hemû karmendên nexweşxaneyê û bi taybetî xwebexşan kir ku bi dilsozî û wek hevparên xema nexweşan xebatê dikin. Her wiha Roja Cîhanî ya Penceşêrê li nexweşan pîroz kir û got: "Ez kêfxweş im ku nexweşan bi tenduristiyeke baş dibînim. Ew peyama wê yekê ne ku penceşêr ne wekî mirinê ye. Ez hêvî dikim di sala nû de bi hevkariya Wezareta Tenduristiyê û aliyên peywendîdar ên Hikûmeta Herêma Kurdistanê, em kêmasiyên xwe çareser bikin.


PUKMEDIA