Neteweyên Yekbûyî: Gefa rêxistina terorîst a DAIŞê zêde bûye û aloztir bûye

PUKMEDIA

Wekîlê Sekreterê Giştî yê Ofîsa Neteweyên Yekbûyî ya Dijî Terorê Alexander Zuev

Wekîlê Sekreterê Giştî yê Ofîsa Neteweyên Yekbûyî ya Dijî Terorê Alexander Zuev, îro pêncşemê hişyarî da ku gefên rêxistina DAIŞê bi awayekî berçav zêde dibin û her ku diçe aloztir û piralî dibin.
Zuev di agahdarkirina xwe ya li pêşberî Encumena Ewlekariya Navdewletî de li ser rapora Sekreterê Giştî yê Neteweyên Yekbûyî ya derbarê "gefa DAIŞê bo ser aştî û ewlehiya navdewletî" tekez kir ku "tevî zextên navdewletî yên berdewam ji bo qelskirina wê, rêxistina terorî bi şaxên xwe ve berdewame di leşkerkirin û nîşandana berxwedaneke mezin de.
 Her wiha destnîşan kir ku "rêxistin bi şaxên xwe ve berdewame di birêkirina şerkerên terorîst ên biyanî de û bikaranîna teknolojiyên nû û derketî di çalakiyên xwe yên terorîstî de xurtir dike.
Zuev eşkere kir ku DAIŞê kariye bi rêyên neyasayî çavkaniyên xwe yên darayî biparêze, di nav de berhevkirina drav bi rêyên neqanûnî, sepandina bacên yasayî û revandina mirovan di berdêla fidyeyê de.
Berpirsê Neteweyên Yekbûyî hişyarî da ku DAIŞ hîn jî li Îraq û Sûriyeyê çalake û got: Rewşa ewlehiyê li Sûriyeyê hîn jî pir hestyare, ku DAIŞ valahiya di rêveberiyê de û derxistina nekokiyên mezhebî bikar tîne.

Wî destnîşan kir ku rewşa mirovî li kampên li bakur-rojhilatê Sûriyeyê hîn jî xirabe, bi hezaran kes ku piraniya wan jin û zarok in, rastî binpêkirinên mafên mirovan ên berdewam tên û bi sînordarkirinên gihîştina av, xwarin, lênihêrîna tenduristiyê û perwerdeyê re rû bi rû ne.

Wî got, Vekişîna Hêzên Demokratîk ên Sûriyeyê ji kampa el-Hol di 21ê Çile de bûye sedema pirsgirêkên operasyonel û mirovî yên nû.
Welîkê Sekreterê Giştî yê Ofîsa Dijî Terorê ya Neteweyên Yekbûyî her wiha destnîşan kir ku li Afganistanê, DAIŞ-Xorasan hîn jî yek ji gefên herî cidî ji bo herêmê û derveyî wê ye. 


PUKMEDIA